യാമ്പൂവിൽ തൊഴിൽ പ്രശ്നത്തിലകപ്പെട്ട രണ്ട് ഇന്ത്യക്കാരെ യാമ്പൂ നവോദയ നാട്ടിലെത്തിച്ചു

യാമ്പു (സൗദി അറേബ്യ): "ഒളിച്ചോട്ടം" (ഹുറൂബ്) മുദ്രയിൽ പെട്ട് നാട്ടിലേക്ക് മടങ്ങാനാകാതെ ദുരിതമനുഭവിക്കുകയായിരുന്ന രണ്ട് ഇന്ത്യൻ പ്രവാസകൾ നാട്ടിലെത്തി. ഇതിലൊരാൾ മലയാളിയാണ്.

തി​രു​വ​ന​ന്ത​പു​രം, വി​ഴി​ഞ്ഞം സ്വ​ദേ​ശി ബി​നു ഓ​മ​ന ആണ് സംഭവത്തിലെ മലയാളി. തെ​ലങ്കാ​ന സ്വ​ദേ​ശി ഗം​ഗാ രാ​ജം ആണ് രക്ഷപ്പെട്ട മറ്റൊരാൾ. ജി​ദ്ദ ന​വോ​ദ​യയുടെ കീഴിലുള്ള യാമ്പൂ ഏ​രി​യ ക​മ്മി​റ്റി ജീ​വ​കാ​രു​ണ്യ​ വിഭാഗം നടത്തിയ നിരന്തര ശ്രമഫലമായാണ് വർഷങ്ങളായി കഷ്ടത പേറുകയായിരുന്ന ഇരുവരും നാടണഞ്ഞത്.

അ​ൽഖു​റി​യാത്ത് പ്രദേശത്ത് ജോ​ലി​ക്കെ​ത്തി​യ ബി​നു ഓ​മ​ന തൊ​ഴി​ൽ പ്രതിസന്ധി മൂലം സ്പോ​ൺ​സ​ർ​ഷി​പ്പ്‌ മാറുകയായിരുന്നു. പു​തി​യ സ്പോ​ൺ​സ​റു​ടെ കീ​ഴി​ലെ ഹെ​വി ഡ്രൈ​വ​ർ ജോലി യാമ്പൂവിൽ  ആയിരുന്നു. അതിനിടെ, ഇഖാമയുടെ കാ​ലാ​വ​ധി ക​ഴി​ഞ്ഞതിനാൽ  ബിനു ഹുറൂബ് (അബ്സ്കോണ്ട്) ഗണത്തിൽ പെടുകയും ചെയ്തു.

അത് നീക്കിക്കിട്ടാൻ നടത്തിയ ശ്രമങ്ങളോട്  സ്പോൺസറിൽ നിന്ന് അനുകൂല സമീപനം ഉണ്ടായില്ലെന്നതിനാൽ നാട്ടിലേക്ക് മടങ്ങാനോ ജോലി തുടരാനോ കഴിയാതെ ദുരിതമനുഭവിക്കുകയായിരുന്നു ബിനു.

ഗംഗാ രാജൻ എ​ട്ടു വ​ർ​ഷം മു​മ്പ് ദമ്മാം പ്രദേശത്താണ് എത്തിയത്. ഇ​ഖാ​മ കാ​ലാ​വ​ധി ക​ഴി​ഞ്ഞ​പ്പോ​ൾ ഹു​റൂ​ബ് ആ​വു​ക​യാ​യി​രു​ന്നു. റി​യാ​ദ്‌ എം​ബ​സി​യി​ൽ നി​ന്നും ക​ഴി​ഞ്ഞ വ​ർ​ഷം ല​ഭി​ച്ച ഇ സി സൗകര്യം ​പി​ന്നീ​ട്  ദുർബലപ്പെട്ടു. അതിനിടെയാണ് ഇദ്ദേഹം യാമ്പൂവിൽ എത്തിയത്.

ഗം​ഗാ രാ​ജ​ത്തി​ന്റെ കേ​സി​ൽ ജി​ദ്ദ കോ​ൺ​സു​ലേ​റ്റി​ലെ പാ​സ്പോ​ർ​ട്ട് വി​ഭാ​ഗം വൈ​സ്‌ കോ​ൺ​സു​ൽ ദി​നേ​ശ്‌ നൽകിയ പിന്തുണ യാമ്പൂ ന​വോ​ദ​യ ജീ​വ കാ​രു​ണ്യ വി​ഭാ​ഗം ക​ൺ​വീ​ന​ർ എ ​പി സാ​ക്കിർ അനുസ്മരിച്ചു. അദ്ദേഹം കോൺസുലേറ്റിൽ നിന്ന് പു​തി​യ ഇ ​സി ഇഷ്യൂ ചെയ്യുകയായിരുന്നു.

ഒടുവിൽ, ബി​നു ഓ​മ​ന​യെ​യും ഗം​ഗാ രാ​ജ​ത്തി​നെ​യും ഒ​രു​മി​ച്ച്‌ ജി​ദ്ദ​യി​ൽ ഷു​മൈ​സി ‌ഡീ​പോ​ർ​ട്ടേ​ഷ​ൻ സെ​ന്റ​റി​ലെ ജ​വാ​സാ​ത്തി​ൽ എ​ത്തി​ച്ച്‌ ഫൈ​ന​ൽ എ​ക്സി​റ്റ്‌  നേടി. തുടർന്ന്, വി​മാ​ന ടി​ക്ക​റ്റെ​ടു​ത്ത ര​ണ്ടു​പേ​രെ​യും ജി​ദ്ദ​യി​ൽ നി​ന്ന് ന​വോ​ദ​യ പ്ര​വ​ർ​ത്ത​കർ യാ​ത്ര​യാ​ക്കി.