ഗിന്നസ് ബുക്കിൽ ഇടം നേടി സൗദി അറേബ്യയിലെ ദൈർഘ്യമേറിയ വളവില്ലാത്ത റോഡ്, പ്രത്യേകതകൾ ഇങ്ങനെ

സൗദി അറേബ്യ: വളവില്ലാത്ത ദൈർഘ്യമേറിയ റോഡ് എന്ന ബഹുമതി ഇനി സൗദി അറേബ്യക്ക് സ്വന്തം. ഗിന്നസ് ലോക റെക്കോർഡിൽ 256 കിലോമീറ്റർ വളവില്ലാ പാത സ്ഥാനം പിടിച്ചു. ഓസ്‌ട്രെലിയയെ പിന്തള്ളിയാണ് ഈ നേട്ടം.

റിയാദ് അൽ ഖർജി റോഡ്,ദുബായിലേക്ക് പോകുന്ന ബത്തഹ ചെക്ക് പോയിന്റ് വരെ മണൽകാട് കൊണ്ട് പരന്നുകിടക്കുന്ന മരുഭൂമിയിൽ കൂടി നോക്കത്താ ദൂരത്ത് ഒരേ പോലെ നീണ്ട നിവർന്നു കിടക്കുന്ന പാതയാണ്.

റബ്ഹാ അൽ ഖലി എന്ന മരുഭൂമിയിൽ പാത നിർമ്മിച്ചിരിക്കുന്ന, യമൻ- സൗദിഅറേബ്യ ഒമാൻ- യുഎഇ എന്നിവിടങ്ങളിൽ നീണ്ട് പരന്നുകിടക്കുന്ന മരുഭൂമിയാണിത്.ഫഹദ് രാജാവിന്റെ ഭരണകാലത്ത് സ്വകാര്യ യാത്രയ്ക്ക് വേണ്ടി നിർമ്മിച്ചതാണ് ഈ പാത.

എണ്ണയാൽ സമ്പന്നമായ അൽ ഹർദ്  യുഎഇയോട് ചേർന്ന പ്രദേശവും കൂടിയാണ്.ഇവിടെ നിന്ന് ഖത്തറിലേക്കും ദുബായിലേക്കും 
ഒമാനിലേക്കും യാത്രചെയ്യാം. മറ്റു റോഡ് വഴി യാത്ര ചെയ്യുന്നതിനേക്കാൾ ഒന്നരമണിക്കൂർ എളുപ്പമാണ്. 

ഈ റോഡ് വഴി യാത്ര ചെയ്യുന്നവർ മണൽക്കാറ്റ് സൂക്ഷിക്കുക എന്ന മുന്നറിയിപ്പും ഉണ്ട്. ഒട്ടകങ്ങൾ ഇറങ്ങാൻ സാധ്യതയുള്ള റോഡുമാണ്.