കുരുന്നു മകളെ മറന്ന കടുംകൈ:   ജീവനൊടുക്കിയ മാതാപിതാക്കളുടെ അഞ്ച് വയസ്സുകാരിയെ വൈകാതെ നാട്ടിലെത്തിക്കും

ജിദ്ദ:      സൗദി കിഴക്കൻ പ്രവിശ്യയിലെ താമസസ്ഥലത്ത്​  മലയാളി ദമ്പതികൾ ആത്മാഹൂതി ചെയ്ത  സംഭവത്തിൽ കരൾ പിളർക്കുന്ന കാഴ്ചയാവുന്നത്  യാതൊന്നും സംഭവിച്ചിട്ടില്ലെന്ന പോലെ ഇപ്പോഴും ചിരിക്കുകയും  കുസൃതി കാട്ടികൊണ്ടിരിക്കുകയും ചെയ്യുന്ന അവരുടെ അഞ്ചു വയസ്സ് പ്രായമുള്ള മകൾ ആരാധ്യ അനൂപ്.  

 ഇപ്പോഴും തന്റെ മാതാപിതാക്കൾ  എന്നെന്നേക്കുമായി തന്നിൽ നിന്ന് പിരിഞ്ഞു പോയെന്ന കാര്യം  അവൾക്ക്  അറിയില്ലാ.    കശപിശ മൂത്ത്  കടുംകൈ  ചെയ്യുമ്പോൾ  അവർ ഓർത്തില്ലാ  ഇതിന്റെ യഥാർത്ഥ ഇര എട്ടുംപൊട്ടും അറിയാൻ ആയിട്ടില്ലാത്ത തങ്ങളുടെ തന്നെ  ഒരിളം പൈതലാണെന്ന്!  

കൊല്ലം, തൃ​ക്ക​രി​വ,  കാഞ്ഞാവെളി സ്വദേശി മംഗലത്ത്​ വീട്ടിൽ അനൂപ്​ മോഹൻ (37), ഭാര്യ രമ്യമോൾ വസന്തകുമാരി (30) എന്നിവരെയാണ്​ അൽഖോബാറിന്​ സമീപമുള്ള  തുഖ്​ബ  പ്രദേശത്തെ താമസ സ്ഥലത്ത്  ഫ്ലാറ്റിൽ ബുധനാഴ്​ച വൈകീട്ട്​  മരിച്ച നിലയിൽ കണ്ടെത്തിയത്​.   രമ്യ മോൾ കട്ടിലിൽ മരിച്ച നിലയിലും അനൂപ്  സമീപത്തെ ഫാനിൽ തൂങ്ങി മരിച്ച നിലയിലുമായിരുന്നു. 

ഇവരുടെ  ഏക മകൾ അഞ്ചു വയസ്സുകാരി ആരാധ്യ അനൂപിന്റെ  നിലവിളികേട്ട  അയൽക്കാർ ​ വിവരം പൊലീസിൽ അറിയിക്കുകയായിരുന്നു.    പൊലീസെത്തി വാതിൽ പൊളിച്ച്  അകത്ത് കടക്കുകയായിരുന്നു.

കുടുംബവഴക്കാണ്​ മരണകാരണമെന്നാണ്​ അറിയുന്നത്​. പൊലീസെത്തി വാതിൽ പൊളിച്ചാണ്​ മൃതദേഹങ്ങൾ കണ്ടെത്തിയത്​.      12 വ​ർ​ഷ​ത്തി​ല​ധി​ക​മാ​യി തു​ഖ്ബ​യി​ൽ വർക്ക്​​​ഷോ​പ്​ ന​ട​ത്തു​കയായിരുന്നു അനൂപ് മോഹൻ.

സൗദി പൊലീസ് ഏൽപ്പിച്ചത് പ്രകാരം, കിഴക്കൻ  പ്രവിശ്യയിലെ ലോക കേരളസഭാംഗം നാസ് വക്കം ആണ്  ആ​രാ​ധ്യ അ​നൂ​പി​നെ  സംരക്ഷിക്കുന്നത്.   കുട്ടിയെ  വൈകാതെ  നാ​ട്ടി​ലെ  ബന്ധു​ക്ക​ളു​ടെ പ​ക്കൽ  എത്തിക്കാനുള്ള ശ്രമത്തിലാണ് നാസ് വക്കം.

താ​ൻ ത​നി​ച്ചാ​യെ​ന്ന്​ പൂ​ർ​ണ​മാ​യും മ​ന​സ്സി​ലാ​യി​ട്ടി​ല്ലാ​ത്ത ഈ ​അ​ഞ്ചു​വ​യ​സ്സു​കാ​രി ത​ന്നെ കാണാ​ൻ വ​രു​ന്ന​വ​​രോ​ടെ​ല്ലാം വി​ശേ​ഷ​ങ്ങ​ൾ പ​ങ്കു​വെ​ക്കു​ന്ന കാ​ഴ്ച ഇ​വി​ടു​ത്തെ പ്ര​വാ​സി​ക​ളു​ടെ വേ​ദ​ന​യാ​വു​ക​യാ​ണ്.

നാ​ട്ടി​ൽ​നി​ന്ന് ഫോ​ണി​ൽ വി​ളി​ക്കു​ന്ന ബ​ന്ധു​ക്ക​ളോ​ടെ​ല്ലാം കു​ട്ടി സം​സാ​രി​ക്കു​ന്നു​ണ്ട്. ആ​രാ​ധ്യ ന​ൽ​കി​യ വി​വ​ര​ങ്ങ​ളാ​ണ് അ​നൂ​പ്​ മോ​ഹ​​ന്റെ​യും ഭാ​ര്യ ര​മ്യ​മോ​ൾ വ​സ​ന്ത​കു​മാ​രി​യു​ടെ​യും മരണ​ത്തെ​ക്കു​റി​ച്ച് പൊ​ലീ​സി​​ന്റെ പ​ക്ക​ലു​ള്ള​ത്. പോ​സ്​​റ്റു​മോ​ർ​ട്ടം റി​പ്പോ​ർ​ട്ട് ല​ഭ്യ​മാ​യാ​ലേ വിവ​ര​ങ്ങ​ൾ​ക്ക് കൃ​ത്യ​ത ഉ​ണ്ടാ​വു​ക​യു​ള്ളൂ.

ദ​മ്മാം മെ​ഡി​ക്ക​ൽ കോം​പ്ല​ക്സ് മോ​ർ​ച്ച​റി​യി​ൽ  ​നി​ന്ന്​  സ്ഥ​ല​പ​രി​മി​തി  മൂലം  മൃ​ത​ദേ​ഹ​ങ്ങ​ൾ ഖത്വീ​ഫ് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി​യ​തി​നാ​ൽ പോ​സ്​​​റ്റു​മോ​ർ​ട്ടം  ഞായറാഴ്ച വരെ  നടത്താ​നാ​യി​ട്ടി​ല്ല.    പോ​സ്​​റ്റു​മോ​ർ​ട്ട​ത്തി​നു ശേ​ഷം  അനൂപിന്റെയും രമ്യയുടേയും  മൃതദേഹ​ങ്ങ​ൾ നാ​ട്ടി​ലെ​ത്തി​ക്കാനുള്ള ശ്രമങ്ങളും നാസ് ചെയ്തുകൊണ്ടിരിക്കുന്നുണ്ട്.