ചെട്ടികുളങ്ങര കുംഭ ഭരണി മഹോത്സവ കഞ്ഞി സദ്യയും ഭജനയും ന്യൂ കാസിലിൽ; ചടങ്ങുകൾ ഫെബ്രുവരി 10 - ന് രാവിലെ 10 മണി മുതൽ

ന്യു കാസിൽ: തെക്കൻ കേരളത്തിലെ അതിപുരാതനവും അതിപ്രശസ്തവുമായ ദേവി ക്ഷേത്രമാണ് ചെട്ടികുളങ്ങര ദേവീക്ഷേത്രം. ക്ഷേത്രത്തിലെ ഏറ്റവും പ്രധാന ഉത്സവമാണ് കുഭ മാസത്തിലെ ഭരണി നാളിൽ നടക്കുന്ന "കുംഭ ഭരണി മഹോത്സവവും"അതിനോട് അനുബന്ധിച്ചുള്ള "കെട്ട് കാഴ്ചകളും". 

ഭരണിക്ക് ആഴ്ചകൾക്ക് മുന്പേ തന്നെ, ചെട്ടികുളങ്ങരയിലെ പതിമൂന്ന് കരക്കാർ, അവരവരുടെ കരകളിൽ, ദേവീ ഭഗവതിക്ക് ഏറ്റവും പ്രിയങ്കരമായ തേരുകളും, കുതിരകളെയും തടിയിൽ നിർമ്മിക്കുകയും, ഭരണി നാളിൽ ഈ തേരുകളും, കുതിരകളുമേന്തി മുഴുവൻ കരക്കാരും, ആബാലവൃദ്ധം ജനങ്ങളുമായി, ഭാഗവതിയുടെ സന്നിധിയിൽ കൊണ്ട് ചെന്ന് കാഴ്ചവെക്കുന്ന ഏറ്റവും മഹത്തായതും, തികച്ചും ഭക്തിപുരസ്സരമായും നടത്തപ്പെടുന്ന ഒരു ചടങ്ങാണ് ഇത്. 

ഈ തേരുകളുടെയും, കുതിരകളുടെയും നിർമ്മാണ ദിവസം മുതൽ അത് നിർമിക്കുന്ന, "കുതിര ചുവട്ടിൽ" ഭക്തജനങ്ങൾ വഴിപാട് നേർച്ചയായി "കുതിര ചുവട്ടിൽ കഞ്ഞി സദ്യ" നടത്തുന്നത് ഭക്തി നിർഭരമായ ഒരു ചടങ്ങാണ്. ഇവിടെ ഈ ചടങ്ങ് ദേവിക്ക് സമർപ്പിക്കുന്നത് ശ്രീ പ്രവീൺ കുമാറും കുടുംബവും ആണ്.

നോർത്ത് ഈസ്റ്റ്‌  കേരള ഹിന്ദു സമാജം (യു കെ) യുടേയും, ന്യൂ കാസിൽ ഹിന്ദു സമാജത്തിന്റെയും എല്ലാവിധ സഹായ സഹകരണത്തോടും കൂടിയാണ് ഭജനയും ഒപ്പം കഞ്ഞി സദ്യയും നടത്തുന്നത്. ഫെബ്രുവരി പത്താം തിയതി രാവിലെ പത്ത് മണി മുതൽ നടക്കുന്ന ഈ ചടങ്ങിലും, ഭജനയിലും എല്ലാ ഭക്ത ജനങ്ങളും പങ്കെടുക്കണമെന്ന് അറിയിക്കുന്നു.

കൂടുതൽ വിവരങ്ങൾക്ക്:

അനിൽകുമാർ:  07828218916

പ്രവീൺകുമാർ: 07469267389

ശ്രീജിത്ത്‌ : 07916751285

Venue:

St Thomas Indian Orthodox Church, New Castle
NE21 4RF