അരളി ഒരു ആഗോള വില്ലൻ തന്നെ ! അബുദാബിയിൽ അരളി ചെടികൾ നിരോധിച്ചു, നടപടി ആരോ​ഗ്യത്തിന് ഹാനികരമാണെന്ന കണ്ടെത്തലിനെ തുടർന്ന്

അബുദാബി: അബുദാബിയിൽ അരളി ചെടികൾ നിരോധിച്ചു. അബുദാബി അഗ്രികൾച്ചർ ആന്റ് ഫുഡ് സേഫ്റ്റി അതോറിറ്റിയാണ് ഇക്കാര്യം അറിയിച്ചത്. അരളി ചെടി ആരോ​ഗ്യത്തിന് ഹാനികരമാണെന്ന കണ്ടെത്തലിനെ തുടർന്നാണ് നടപടി.

അരളി ചെടികളുടെ ഉല്പാദനം, കൃഷി ചെയ്യൽ, വിൽപ്പന തുടങ്ങിയവയെല്ലാം അബുദാബിയിൽ നിരോധിച്ചു. അരളി ചെടിയുടെ പൂവ്, ഇല, തണ്ട് ഉൾപ്പെടെയുള്ളവ വിഷബാധയ്ക്ക് കാരണമാകുമെന്ന് വിവിധ റിപ്പോർട്ടുകൾ വ്യക്തമാക്കിയിരുന്നു.

അതിനാൽ മനുഷ്യരുടെയും വളർത്തു മൃ​ഗങ്ങളുടെയും സുരക്ഷ കണക്കിലെടുത്താണ് പുതിയ തീരുമാനം.