ദുബായ്: സ്ഥിതിഗതികൾ സാധാരണ നിലയിലാകുന്നതുവരെ ദുബായ് അന്താരാഷ്ട്ര വിമാനത്താവളം വഴി അടിയന്തര ആവശ്യങ്ങള്ക്കല്ലാതെയുള്ള യാത്രകൾ പുനഃക്രമീകരിക്കാൻ ഇന്ത്യൻ യാത്രക്കാരോട് യുഎഇയിലെ ഇന്ത്യൻ എംബസി നിര്ദ്ദേശിച്ചു.
ഈ ആഴ്ച കനത്ത മഴയ്ക്കാണ് യുഎഇ സാക്ഷ്യം വഹിച്ചത്. വിവിധ പ്രദേശങ്ങളില് വെള്ളക്കെട്ടും രൂപപ്പെട്ടു. പ്രളയക്കെടുതിയിൽ നിന്ന് കരകയറാനുള്ള ശ്രമത്തിലാണ് യുഎഇ.
ദുബായ് ഇൻ്റർനാഷണൽ എയർപോർട്ടിൽ ഇന്ത്യൻ പൗരന്മാരെ സഹായിക്കുന്നതിനായി, ദുബായിലെ കോൺസുലേറ്റ് ജനറൽ ഓഫ് ഇന്ത്യ എമർജൻസി ഹെൽപ്പ് ലൈൻ നമ്പറുകൾ പ്രവർത്തനക്ഷമമാക്കിയിട്ടുണ്ട്.
ദുരിതമനുഭവിക്കുന്ന ഇന്ത്യക്കാർക്കായി കോൺസുലേറ്റ് ഹെൽപ്പ് ലൈൻ നമ്പറുകളും മാർഗനിർദേശങ്ങളും പുറപ്പെടുവിച്ചിട്ടുണ്ട്. ഹെൽപ്പ് ലൈൻ നമ്പറുകൾ: +971501205172, +971569950590, +971507347676, +971585754213.