ഉമ്മൻചാണ്ടി സമൂഹത്തിന് വേണ്ടി ജീവിതം ഉഴിഞ്ഞുവെച്ച നേതാവ്: ഐഒസി - ഒഐസിസി ഗ്ലോബൽ കോർഡിനേറ്റർ മഹാദേവൻ വാഴശ്ശേരിൽ

ഷാർജ: സാധാരണക്കാർക്കും സമൂഹത്തിനും വേണ്ടി ജീവിതം തന്നെ ഉഴിഞ്ഞുവെച്ച നേതാവായിരുന്നു മുൻ മുഖ്യമന്ത്രി ഉമ്മൻചാണ്ടിയെന്ന് ഐഒസി - ഒഐസിസി ഗ്ലോബൽ കോർഡിനേറ്റർ മഹാദേവൻ വാഴശ്ശേരിൽ പറഞ്ഞു.

ഇൻകാസ് ഷാർജ കമ്മിറ്റി സംഘടിപ്പിച്ച ഉമ്മൻചാണ്ടിയുടെ രണ്ടാമത് ചരമവാർഷിക ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഭരണാധികാരികൾ എങ്ങനെ സമൂഹത്തെ കാണണമെന്നും അദ്ദേഹം പഠിപ്പിച്ചുവെന്നും മഹാദേവൻ  പറഞ്ഞു.

ഇൻകാസ് ഷാർജ ആക്ടിംഗ് പ്രസിഡണ്ട് രഞ്ജൻ ജേക്കബ് അദ്ധ്യക്ഷത വഹിച്ചു. കെ.പി.സി.സി സെക്രട്ടറി വി.എം ചന്ദ്രൻ, ഇന്ത്യൻ അസോസിയേഷൻ ഷാർജ പ്രസിഡണ്ട് നിസാർ തളങ്കര, ശ്രീ പ്രകാശ്, ഷാജി ജോൺ, എസ്.എം ജാബിർ , അഡ്വ.വൈ.എ റഹീം, ജിബി ബേബി, അനു താജ്, പി.ഷാജിലാൽ, മുജീബ് റഹ്മാൻ, പുന്നക്കൻ മുഹമ്മദലി, കെ.അബ്ദുറഹിമാൻ മാസ്റ്റർ പ്രജീഷ് ബാലുശ്ശേരി, നൗഷാദ് മന്ദങ്കാവ്, പീരു മുഹമ്മദ് എന്നിവർ സംസാരിച്ചു. ജന. സെക്രട്ടറി നവാസ് തേക്കട സ്വാഗതവും ട്രഷറർ റോയി മാത്യു നന്ദിയും പറഞ്ഞു.