ലോറിയിൽ ഒളിച്ചു യു കെ അതിർത്തി കടക്കാൻ ശ്രമം: സഹായം നൽകിയ ആൾ അറസ്റ്റിൽ; ശീതീകരിച്ച ലോറിയിൽ തണുത്തു വിറങ്ങലിച്ച നിലയിൽ കണ്ടെടുത്തത് 6 ജീവനുകളെ

ബ്രിട്ടൻ: കിഴക്കൻ സസെക്സിൽ ശീതീകരിച്ച ലോറിയിൽ കുടിയേറ്റക്കാരെ കടത്തിയ കേസിൽ ഒരാൾ പിടിയിലായി. അനധികൃതമായി യു കെയിലേക്ക് കടക്കാൻ സഹായിച്ചു എന്ന കുറ്റമാണ് ഇയാളിൽ ചുമത്തിയത്. സംഭവം ഇപ്പോഴും ബോർഡർ ഫോഴ്‌സും എമർജൻസി സർവീസുകളും അന്വേഷിക്കുകയാണ്.

അതിനാൽ കുറ്റാരോപിതനായ വ്യക്തിയുടെ പേരോ മറ്റ് വിവരങ്ങളോ ഹോം ഓഫീസ് വെളിപ്പെടുത്തിയിട്ടില്ല. വെള്ളിയാഴ്ച ഈസ്റ്റ് സസെക്സിലെ ന്യൂഹാവൻ ഫെറി പോർട്ടിൽ ശീതീകരിച്ച ഒരു ലോറിയുടെ പിന്നിൽ കുടിയേറ്റക്കാരെ കണ്ടെത്തിയതിനെത്തുടർന്ന് യു കെയിലേക്ക് അനധികൃതമായി പ്രവേശിക്കാൻ സഹായിച്ചതിന് ഒരാൾക്കെതിരെ കുറ്റം ചുമത്തിയതായി ആഭ്യന്തര ഓഫീസ് അറിയിച്ചു.

ശീതീകരിച്ച ലോറിയിൽ തണുത്തു വിറങ്ങലിച്ച നിലയിൽ കണ്ടെത്തിയ ആറ് പേരെ ആശുപത്രിയിൽ പ്രവേശിപ്പിച്ചു. ഇതുവരെ മരണങ്ങളൊന്നും റിപ്പോർട്ട് ചെയ്തിട്ടില്ല എന്ന് സസെക്സ് പോലീസ് പറഞ്ഞു.