ലണ്ടനിൽ മലയാളി പെൺകുട്ടിയെ വെടിവച്ച പ്രതി അറസ്‌റ്റിൽ; 9 വയസ്സുകാരി പെൺകുട്ടിക്ക് വെടിയേറ്റത് റെസ്റ്റോറന്റിൽ കുടുബസമേതം ഭക്ഷണം കഴിക്കുന്നതിനിടയിൽ

ലണ്ടൻ: ലണ്ടനിലെ ഹാക്ക്നിയിൽ മെയ് 29 - ന് റെസ്റ്ററന്റിൽ ഭക്ഷണം കഴിക്കാൻ എത്തിയ മലയാളി കുടുംബത്തിലെ 10 വയസ്സുകാരിക്ക് വെടിയേറ്റ സംഭവത്തിൽ പ്രതി അറസ്റ്റിൽ. ഹാംഷെയറിലെ ഫാർൺബറോയിൽ നിന്നുള്ള ജാവോൺ റെയ്ലി (32) ആണ് പൊലീസ് പിടിയിലായത്. വാഹനം തടഞ്ഞുനിർത്തിയാണ് പ്രതിയെ പൊലീസ് അറസ്‌റ്റ് ചെയ്തത്.

റിമാൻഡ് ചെയ്‌ത പ്രതിയെ സെപ്റ്റംബർ 6 - ന് ഓൾഡ് ബെയ്ലിയിൽ ഹാജരാക്കും. പ്രതിക്കെതിരെ വെസ്റ്റ്മിൻസ്റ്റർ മജിസ്ട്രേറ്റ് കോടതിയിൽ നാല് കൊലപാതക ശ്രമങ്ങളാണ് ചുമത്തിയിരിക്കുന്നത്. നേരത്തെ പ്രതിയെ സഹായിച്ചതിന് അറസ്റ്റ‌ിലായ 35 കാരിയായ സ്ത്രീയെ പൊലീസ് ജാമ്യത്തിൽ വിട്ടയച്ചിരുന്നു.

പറവൂർ ഗോതുരുത്ത് സ്വദേശിയായ ആനത്താഴത്ത് വിനയ - അജീഷ് ദമ്പതികളുടെ മകൾ ലിസ്സെൽ മരിയയ്ക്കാണ് വെടിവെപ്പിൽ ഗുരുതരമായ പരുക്കേറ്റത്. ബർമിങ്ഹാമിൽ താമസിക്കുന്ന ലിസ്സെൽ മരിയയും കുടുംബവും സ്‌കൂൾ അവധി പ്രമാണിച്ചു ലണ്ടൻ സന്ദർശനത്തിന് എത്തിയതായിരുന്നു.

റെസ്റ്റോറന്റിൽ ഭക്ഷണം കഴിച്ചിരിക്കവെ ആണ് ബൈക്കിൽ എത്തിയ അക്രമി കെട്ടിടത്തിനും റസ്‌റ്ററന്റ്റിനും നേരെ വെടിയുതിർക്കുകയായിരുന്നു. പെൺകുട്ടി ആശുപത്രിയിൽ തന്നെ തുടരുകയാണ്‌.

വെടിവയ്പ്പിൽ റസ്‌റ്ററൻ്റിന് പുറത്ത് നിന്നിരുന്ന മൂന്ന് പേർക്കു കൂടി വെടിയേറ്റിയിരുന്നെങ്കിലും കുറച്ചു ദിവസങ്ങൾക്ക് ശേഷം അവർ ആശുപ്രതി വിട്ടിരുന്നു.