യു കെയില്‍ വീണ്ടും കത്തിയാക്രമണം; മാഞ്ചസ്റ്ററില്‍ 43 - കാരി കുത്തേറ്റു കൊല്ലപ്പെട്ടു; രണ്ട് പേര്‍ക്ക് ഗുരുതര പരിക്ക്; പ്രതി പിടിയില്‍

ഗോര്‍ട്ടണില്‍: യു കെയിൽ കത്തി ആക്രമണം തുടർ കഥ ആകുന്നു. കിഴക്കന്‍ മാഞ്ചസ്റ്ററിലെ ഗോര്‍ട്ടണില്‍ നടന്ന കത്തിയാക്രമണത്തില്‍ 43 - കാരിക്ക് ദാരുണ മരണം. ആല്‍ബെര്‍ട്ട ഒബിനിം എന്ന സ്ത്രീയാണ് കുത്തേറ്റു മരിച്ചത്. ആക്രമണത്തിൽ ഗുരുതരമായി പരിക്കേറ്റ രണ്ടു പേരെ ആശുപത്രിയിയിൽ പ്രവേശിപ്പിച്ചു. പ്രതി പിടിയിലായതായി സ്ഥിതീകരിച്ചിട്ടുണ്ട്.

ആക്രമണത്തില്‍ പരിക്കേറ്റവരിൽ 17 വയസ്സുള്ള ഒരു പെണ്‍കുട്ടിയും 64 വയസ്സുള്ള ഒരു പുരുഷനുമുണ്ട്. ഇവര്‍ ഗുരുതരാവസ്ഥയില്‍ ആശുപത്രിയില്‍ ചികിത്സയിലാണെന്നാണ് റിപ്പോര്‍ട്ടുകള്‍.

22 വയസ്സുകാരനായ പ്രതിക്ക് ഇരകളുമായി മുൻ പരിചയമുണ്ടെന്ന് പ്രാഥമിക അന്വേഷണത്തില്‍ നിന്നും വ്യക്തമായതായി ഗ്രേറ്റര്‍ മാഞ്ചസ്റ്റര്‍ പോലീസ് പറഞ്ഞു. കൂടുതലായി ചോദ്യം ചെയ്തു വരുകയാണെന്നും നടന്നത് ചെയ്തത് ഒറ്റപ്പെട്ട സംഭവമാണെന്നാണ് കരുതുന്നതെന്നും പോലീസ് മേധാവികള്‍ അറിയിച്ചു.