യുകെയിൽ മാഹാത്മാ ഗാന്ധി രക്തസാക്ഷിദിനം ആചരിച്ച് ഒഐസിസി; മഹാത്മാവിൻ്റെ പ്രതിമയ്ക്കുമുന്നിൽ പുഷ്പചക്രങ്ങൾ വെച്ച് അനുസ്മരിച്ച് വിദേശികളും സ്വദേശികളും

ലണ്ടൻ: മാഹാത്മ ഗാന്ധി രക്തസാക്ഷി ദിനം ആചരിച്ച് ഒഐസിസി യുകെ. മഹാത്മാവിൻ്റെ പ്രതിമയ്ക്കുമുന്നിൽ വിദേശികളും സ്വദേശികളുമടക്കം നിരവധി പേർ പുഷ്പചക്രങ്ങൾ വെച്ച് അനുസ്മരിച്ചു.

ഒഐസിസി യുകെ നാഷണൽ പ്രസിഡന്റ് ഉൾപ്പെടെയുള്ള നേതാക്കളും ഇന്ത്യൻ ഹൈക്കമ്മീഷണറും പുഷ്പചക്രം വെച്ചു അനുസ്മരിച്ചു. കൂടാതെ ബ്രിട്ടീഷ് പാർലമെൻ്റ് അംഗങ്ങളും പുഷ്പചക്രങ്ങൾ വെച്ച് ആദരിച്ചു.

ഇന്ത്യൻ ഹൈക്കമ്മീഷണർ, ബ്രിട്ടീഷ് എംപിമാർ, ഡപ്പൂട്ടി ഹൈക്കമ്മീഷണ, ഒ.ഐ.സി.സി നാഷണൽ പ്രസിഡന്റ് എന്നിവർ അനുസ്മരണ പ്രസംഗം നടത്തി.

തുടർന്ന് മഹാത്മാവിൻ്റെ പാർലമെൻ്റ് സ്ക്വയറിലുള്ള പ്രതിമയെപ്പറ്റിയുള്ള പുസ്തകം വിതരണം ചെയ്തു. ശേഷം വന്ദേമാതര ഗാനാലാപനത്തോടെ പരിപാടിക്ക് സമാപനം കുറിച്ചു.