യുക്മ റീജിയണൽ കായികമേളകൾക്ക് വിജയകരമായ പരിസമാപ്തി, ദേശീയ കായികമേള ജൂൺ 28 ന് സട്ടൻ കോൾഡ് ഫീൽഡിൽ

ജൂൺ 14 ശനിയാഴ്ച ലൂട്ടനിൽ വെച്ച് നടന്ന ഈസ്റ്റ് ആംഗ്ളിയ റീജിയൻ, ജൂൺ 15 ഞായറാഴ്ച കാർഡിഫിൽ വെച്ച് നടന്ന വെയിൽസ് റീജിയൻ, യോവിലിൽ വെച്ച് നടന്ന സൌത്ത് വെസ്റ്റ് റീജിയൻ, പോർട്ട്സ്മൌത്തിൽ വെച്ച് നടന്ന സൌത്ത് ഈസ്റ്റ് റീജിയൻ, ജൂൺ 21 ശനിയാഴ്ച റെഡ്ഡിച്ചിൽ വെച്ച് നടന്ന ഈസ്റ്റ് & വെസ്റ്റ് മിഡ്ലാൻഡ്സ്, ബാൺസ്‌ലിയിൽ വെച്ച് നടന്ന യോർക്ക്ഷയർ & ഹംബർ റീജിയൻ, ലിവർപൂളിൽ വെച്ച് നടന്ന നോർത്ത് വെസ്റ്റ് റീജിയൻ കായികമേളകളിൽ വിജയികളായവരാണ് (ഓരോ ഇനങ്ങളിലെയും ആദ്യ മൂന്ന് സ്ഥാനക്കാർ) ദേശീയ കായികമേളയിൽ പങ്കെടുക്കുവാൻ യോഗ്യത നേടിയിട്ടുള്ളത്. 

യുക്മ ദേശീയ ഭാരവാഹികളായ ഷീജോ വർഗ്ഗീസ്, വർഗ്ഗീസ് ഡാനിയൽ, സണ്ണിമോൻ മത്തായി, റെയ്മോൾ നിധീരി എന്നിവരുടെ നേതൃത്വത്തിൽ മുഴുവൻ ദേശീയ സമിതിയംഗങ്ങളും ദേശീയ കായികമേളയുടെ സുഗമമായ നടത്തിപ്പിന് വേണ്ട പ്രവർത്തനങ്ങളിൽ മുഴുകിയിരിക്കുകയാണ്. റീജിയണൽ കായികമേളകളിൽ നിന്ന് വിജയികളായ മുഴുവൻ കായിക താരങ്ങളെയും ദേശീയ കായികമേളയിൽ പങ്കെടുപ്പിക്കുന്നതിനുള്ള തയ്യാറെടുപ്പുകളിലാണ് റീജിയണൽ നേതൃത്വങ്ങൾ.

യുകെയിലെ മുഴുവൻ മലയാളി കായിക പ്രേമികളെയും യുക്മ ദേശീയ കായികമേളയിലേയ്ക്ക് സ്വാഗതം ചെയ്യുന്നതായി യുക്മ ദേശീയ സമിതി അറിയിച്ചു.