ചാവുകടലില്‍ പൃഥ്വി, ചിത്രം പകര്‍ത്തി സുപ്രിയ; അവധിക്കാലമാഘോഷിച്ച്‌ ഇരുവരും

സുപ്രിയ എടുത്ത പുതിയ ചിത്രമാണ് പൃഥ്വി തന്റെ സമൂഹ മാധ്യമങ്ങളിലൂടെ പങ്കുവച്ചിരിക്കുന്നത്. ചാവുകടലിലെ സൂര്യാസ്തമയം എന്ന ക്യാപ്ഷനോടുകൂടിയുള്ള ചിത്രമാണ് പൃഥ്വി പോസ്റ്റ് ചെയ്തിരിക്കുന്നത്. കടലിലിറങ്ങി സൂര്യനെ അഭിമുഖീകരിച്ചു നില്‍ക്കുന്ന താരത്തെയാണ് ചിത്രങ്ങളില്‍ കാണാന്‍ കഴിയുന്നത്. സുപ്രിയക്ക് കടപ്പാടും പൃഥ്വി നല്‍കിയിട്ടുണ്ട്.

ജോര്‍ദാനില്‍ നിന്നുള്ള തന്റെ ചിത്രങ്ങള്‍ സുപ്രിയ ഇന്‍സ്റ്റഗ്രാമിലൂടെയാണ് പങ്കുവച്ചിരിക്കുന്നത്. അല്ലിയേയും ചുമലിലെടുത്ത് സവാരിയ്ക്ക് ഇറങ്ങിയ പൃഥ്വിരാജിന്റെ ഒരു വീഡിയോ സുപ്രിയ കഴിഞ്ഞ ദിവസം പോസ്റ്റ് ചെയ്തിരുന്നു. ജോര്‍ദാനിലെ പെട്രയില്‍ നിന്നുള്ളതാണ് ഈ വീഡിയോ. ലോകത്തിലെ പുതിയ ഏഴ് അത്ഭുതങ്ങളില്‍ ഒന്നായി പെട്ര ലോക പൈതൃകപ്പട്ടികയില്‍ ഇടം നേടിയിട്ടുണ്ട്.

ബ്ലെസി സംവിധാനം ചെയ്യുന്ന ആടുജീവിതം എന്ന സിനിമയുടെ ചിത്രീകരണവുമായി ബന്ധപ്പെട്ട് ഏതാനും മാസങ്ങളായി പൃഥ്വി ജോര്‍ദാനിലാണ്. മാര്‍ച്ച്‌ അവസാനത്തോടെയായിരുന്നു പൃഥ്വിരാജും സംഘവും ജോര്‍ദാനിലേക്ക് ചിത്രീകരണത്തിനായി പുറപ്പെട്ടത്. ചിത്രീകരണത്തിന് ശേഷം പൃഥ്വിരാജ് ലൂസിഫറിന്റെ രണ്ടാം ഭാഗമായ എമ്ബുരാന്റെ പണിപ്പുരയിലേക്ക് കടക്കുമെന്നാണ് റിപ്പോര്‍ട്ടുകള്‍.