അയോധ്യയില്‍ ക്രിസ്ത്യന്‍ പള്ളിയാണ് വേണ്ടത് എന്ന് റാണു മണ്ഡൽ; വാർത്തയുടെ സത്യം ഇതാണ്

അയോധ്യ വിധി വന്നതിന് ശേഷം സാമൂഹ്യ മാധ്യമങ്ങളില്‍ വൈറലായ വാര്‍ത്തയാണ് ഗായി റാണു മണ്ഡല്‍ അയോധ്യയില്‍ ക്രിസ്ത്യന്‍ പള്ളിയാണ് വേണ്ടത് എന്ന് ആവശ്യപ്പെട്ടു എന്നത്. എന്നാല്‍ റാണു മണ്ഡല്‍ അങ്ങനെ ആവശ്യപ്പെട്ടിട്ടില്ല എന്നതാണ് സത്യം.

സറ്റയറിക്കല്‍ വെബ്‌സൈറ്റായ ദ ഫോക്‌സി ഫേസ്ബുക്കില്‍ പോസ്റ്റ് ചെയ്ത വാര്‍ത്തയാണ് വൈറലായത്. അയോധ്യ വിധിയോട് പ്രതികരിച്ച് തമാശയെന്നോണമാണ് ദ ഫോക്‌സി ഈ പോസ്റ്റ് പ്രസിദ്ധീകരിച്ചത്.

ഫേസ്ബുക്കില്‍ നിന്ന് ട്വിറ്ററിലേക്ക് പടരുകയും പിന്നീട് വൈറലാവുകയും ചെയ്യുകയായിരുന്നു. ഭൂരിഭാഗം പേര്‍ക്കും ഇതൊരു ആക്ഷേപ ഹാസ്യ പോസ്റ്റ് ആണെന്ന് മനസിലായില്ല.