ജില്ല കമ്മിറ്റി മരവിപ്പിച്ച സെൻട്രൽ കമ്മിറ്റിയുടെ നടപടി അംഗികരിക്കില്ല .റിയാദ് മലപ്പുറം ജില്ലാ കമ്മറ്റി.

മലപ്പുറം ജില്ല കെഎംസിസി കമ്മിറ്റിയെ മരവിപ്പിച്ചതായി റിയാദ് കെഎംസിസി സെൻട്രൽ കമ്മിറ്റി എടുത്ത തീരുമാനമുൾപ്പടെ ഏകപക്ഷീയമായ കൈക്കൊള്ളുന്ന ഒരു തീരുമാനങ്ങളും അംഗീകരിക്കുവാൻ കഴിയില്ലെന്ന് റിയാദ് മലപ്പുറം ജില്ല കെ എംസിസി കമ്മിറ്റി ഭാരവാഹികൾ പത്രക്കുറിപ്പിൽ അറിയിച്ചു.

സംഘടനാ വിരുദ്ധവും കെഎംസിസിയുടെ ഭരണഘടനാനുസൃതവുമല്ലാത്ത തീരു മാനങ്ങളാണ് സെൻട്രൽ കമ്മിറ്റി കൈകൊണ്ടിട്ടുള്ളത്. കുറെ കാലങ്ങളായി റിയാദി ൽ വിഭാഗീയ പ്രവർത്തനങ്ങൾക്ക് നേതൃത്വം നൽകുന്നത് സെൻട്രൽ കമ്മിറ്റിയിലെ ഒരു വിഭാഗം ഭാരവാഹികളാണ്. വ്യവസ്ഥാപിതമായ രീതിയിൽ തെരഞ്ഞെടുത്ത പ്രവർത്തക സമിതിയോ, കൗൺസിൽ യോഗങ്ങളോ വിളിച്ച് ചേർക്കാതെയാണ് പല സുപ്രധാന തീരുമാനങ്ങളും സെൻട്രൽ കമ്മിറ്റി കൈക്കൊള്ളുന്നത്. തങ്ങളുടെ താൽപര്യങ്ങൾക്ക് എതിരെ അഭിപ്രായങ്ങൾ പറയുന്ന മിക്ക ജില്ല, നിയോജകമ ണ്ഡലം, ഏരിയ കമ്മിറ്റികൾക്കെതിരെയും സമാന രീതിയിലുള്ള തീരുമാനങ്ങൾ സ്വീകരിച്ചിട്ടുണ്ട്.

രണ്ട് വർഷം മുമ്പ് പാലക്കാട് ജില്ല കമ്മിറ്റിയേയും മരവിപ്പിച്ചതായി പത്രവാർത്ത നൽക്കുകയും തുടർന്ന് അവിടെ സമാന്തര കമ്മിറ്റി രൂപീകരിക്കുകയും ചെയ്തിരുന്നു. നല്ല രീതിയിൽ പ്രവർത്തിക്കുന്ന നിയോജകമണ്ഡലം കമ്മിറ്റികൾക്കെതിരെ സമാന്തര പ്രവർത്തനങ്ങൾ തുടർക്കഥയാണ്. സൗദി നാഷണൽ കമ്മിറ്റി കൈക്കൊ ള്ളുന്ന തീരുമാനങ്ങളോ, പദ്ധതികളോ നടപ്പിൽ വരുത്തുവാൻ സെൻട്രൽ കമ്മിറ്റി താല്പര്യം കാണിക്കാറില്ലെന്നും അതിന് വിരുദ്ധമായ പ്രവർത്തനങ്ങളാണ് നടത്തി വരാറുള്ളതെന്നും ജില്ലാ ഭാരവാഹികൾ പറഞ്ഞു.

സൗദി നാഷണൽ കമ്മിറ്റിയുടെ മെമ്പർഷിപ്പ് ക്യാമ്പയിൻ ഒന്നര വർഷം മുമ്പ് ആരംഭിക്കുകയും കോവിഡിന്റെ വ്യാപനം കാരണം സമയപരിധി നീട്ടിവെക്കുകയും ചെയ്തതാണ്. മൂന്ന് വർഷത്തേക്കാണ് കമ്മിറ്റികളുടെ കാലാവധി. മിക്ക കമ്മിറ്റികളും നിലവിൽ വന്നിട്ട് നാല് വർഷം പൂർത്തിയായിട്ടുണ്ട്.

മെമ്പർഷിപ്പ് ക്യാമ്പയിൻ പ്രവർത്തനങ്ങൾ ഊർജിതപ്പെടുത്തുവാൻ നാഷണൽ കമ്മിറ്റിയുടെ നിർദേശങ്ങൾ നിരന്തരം സെൻട്രൽ കമ്മിറ്റികൾക്ക് നൽകിയതാണ്. റിയാദ് സെൻട്രൽ കമ്മിറ്റി ഈ കാര്യങ്ങളിൽ വരുത്തിയ വീഴ്ചയാണ് നാഷണൽ കമ്മിറ്റി നേരിട്ട് മലപ്പുറം ജില്ല കമ്മിറ്റിക്ക് മെമ്പർഷിപ്പ് പ്രവർത്തനങ്ങൾക്ക് അംഗീ കാരം നൽകിയത്. അംഗത്വ അപേക്ഷകളിൽ അന്തിമ അനുമതി നാഷണൽ കമ്മിറ്റി നൽകിയതാണ് മലപ്പുറം ജില്ല കമ്മിറ്റിക്കെതിരെയുള്ള നീക്കത്തിന് കാരണമായത്.

കെഎംസിസിയുടെ ഭരണഘടനാപ്രകാരം വ്യക്തികൾക്കെതിരെയോ, ഘടകങ്ങൾ ക്കെതിരെയോ അച്ചടക്ക നടപടികൾ സ്വീകരിക്കുവാനുള്ള പൂർണ്ണ അവകാശം സംസ്‌ഥാന മുസ്‌ലിം ലീഗ് പ്രസിഡന്റിന്റെ മാത്രം പരിധിയിൽ പെട്ടതാണ്. റിയാദ് സെൻട്രൽ കമ്മിറ്റി മലപ്പുറം ജില്ല കമ്മിറ്റിക്കെതിരെ കൈക്കൊണ്ട തീരുമാനം നാഷണൽ കമ്മിറ്റിയുടെ അറിവോടെയല്ലെന്ന് കെഎംസിസി സൗദി നാഷണൽ കമ്മിറ്റി വർക്കിംഗ് പ്രസിഡന്റ് അഷ്റഫ് വേങ്ങാട്ട് ഉൾപ്പടെയുള്ള നാഷണൽ കമ്മി റ്റിയുടെ ഭാരവാഹികൾ പറഞ്ഞതായി മലപ്പുറം ജില്ല കെഎംസിസി പ്രസിഡന്റ് മുഹമ്മദ് വേങ്ങര, ജനറൽ സെക്രട്ടറി അസീസ് വെങ്കിട്ട, ട്രഷറർ കുഞ്ഞിപ്പ തവനൂർ, ഓർഗനൈസിംഗ് സെക്രട്ടറി ഷൗക്കത്ത് കടമ്പോട്ട് എന്നിവർ അറിയിച്ചു.