ഷാജ് കിരണ്‍ കൊച്ചിയിലെത്തി​; ഇന്ന് ചോദ്യം ചെയ്യലിന് ഹാജരാകും

സ്വപ്ന സുരേഷ് നടത്തിയ വെളിപ്പെടുത്തലുകളുമായി ബന്ധപ്പെട്ട ഗൂഢാലോചന കേസില്‍ ഷാജ് കിരണ്‍ പ്രതിയല്ലെന്ന് പൊലീസ് ഹൈകോടതിയില്‍ അറിയിച്ചിരുന്നു. ഷാജ് കിരണിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നവേളയിലാണ് പൊലീസ് കോടതിയില്‍ നിലപാടെടുത്തത്.

മുന്‍കൂര്‍ നോട്ടീസ് നല്‍കി ഷാജ് കിരണിനെ ചോദ്യം ചെയ്യാമെന്നും കോടതിയും വ്യക്തമാക്കിയിരുന്നു. ചോദ്യം ചെയ്യിന് ശേഷമാവും ഷാജ് കിരണെ പ്രതിയാക്കണോയെന്ന കാര്യത്തില്‍ അന്തിമ തീരുമാനമെടുക്കുക. സ്വപ്നയുടെ വെളിപ്പെടുത്തലുകള്‍ക്ക് പിന്നാലെ കേസിലെ ഗൂഢാലോചന അന്വേഷിക്കണമെന്ന് ആവശ്യപ്പെട്ട് കെ.ടി.ജലീലാണ് പരാതി നല്‍കിയത്.