ദിലീപേട്ടന്‍ കുറ്റം ചെയ്തെന്ന് എനിക്ക് വിശ്വസിക്കാന്‍ കഴിയില്ല, എന്താണ് നടന്നതെന്ന് ദൈവത്തിനറിയാം: ശാലു മേനോന്‍

ശാലു മേനോന്റെ വാക്കുകള്‍:

നമുക്കൊരിക്കലും ഒരാള്‍ കുറ്റം ചെയ്തെന്ന് ഉറപ്പിച്ച്‌ പറയാന്‍ പറ്റില്ല. ദിലീപ് കുറ്റം ചെയ്തെന്ന് എനിക്ക് വിശ്വസിക്കാന്‍ കഴിയില്ല. ഞാനും നാല്‍പ്പത്തിയൊമ്ബത് ദിവസങ്ങളോളം കാരണം എന്താണെന്ന് അറിയാതെ ജയിലില്‍ കിടന്നിട്ടുണ്ട്. ദിലീപേട്ടന്റെ കാര്യത്തിലും അതായിരിക്കാം സംഭവിച്ചത്. കേസുമായി ബന്ധപ്പെട്ട് മാധ്യമങ്ങളില്‍ വന്ന വാര്‍ത്തകള്‍ സത്യം ആവണമെന്നില്ല. എന്താണ് നടന്നതെന്ന് ദൈവത്തിനറിയാം. ഞാനൊരിക്കലും ദിലീപിനെ കുറ്റം പറയില്ല. പലരും പറയുന്നുണ്ട് അദ്ദേഹം ഇത് ചെയ്തു, അത് ചെയ്തു എന്നൊക്കെ. അങ്ങനെയൊന്നും എനിക്ക് പറയാന്‍ പറ്റില്ല.

സിനിമയില്‍ വന്ന സമയത്ത് ഞാന്‍ ദിലീപേട്ടനൊപ്പം അഭിനയിച്ചിരുന്നു. മൂന്ന് നാല് രംഗങ്ങളില്‍ അഭിനയിച്ച്‌ ഞാന്‍ തിരിച്ചു പോന്നു. ആ സമയത്ത് തിരിച്ചു വരേണ്ട സാഹചര്യം വന്നു. എനിക്ക് പകരം മറ്റൊരു ആര്‍ട്ടിസ്റ്റാണ് അത് ചെയ്തത്. എന്നാലും വളരെ ഇഷ്ട്ടമുള്ള നടനാണ് ദിലീപേട്ടന്‍.