20
Thursday January 2022

ഷാരോണില്‍ പൊലിഞ്ഞ ഇന്ത്യന്‍ മാലാഖ; സൗമ്യ സന്തോഷ് , ഫാ.  ഡെന്നി ജോര്‍ജ് കിഴക്കാരക്കാട്ട്

ഷിജി ചീരംവേലില്‍
Thursday, May 13, 2021

 

സൂറിക്ക്: പുരാതനകാലം മുതല്‍ നാം കേട്ടു വളര്‍ന്ന മനോഹരമായ ഷാരോണ്‍ സമതലം. പൂക്കളാല്‍ സമ്പന്നമായിരുന്നുവെങ്കില്‍ ഇന്ന് മനുഷ്യ രക്തത്താല്‍ കളങ്കപ്പെട്ടിരിക്കുന്നു. വേദപുസ്തകത്തില്‍ നിന്നും വശ്യമായ ഷാരോണ്‍ താഴ്വാരത്തെക്കുറിച്ച് നാം വായിച്ചെങ്കില്‍ ഇന്ന് ബോംമ്പും മിസൈലും കല്ലും കുറുവടികളും പായുന്ന മനുഷ്യത്വം മരവിച്ച താഴ്വാരം നാം മാധ്യമങ്ങളിലൂടെ കാണുന്നു.

സലേഷ്യന്‍ വൈദികര്‍ നേതൃത്വം നല്‍കുന്ന ജെറുസലേമിലെ  റാറ്റിസ്ബോണ്‍ പൊന്തിഫിക്കല്‍ ദൈവശാസ്ത്ര സെമിനാരിയില്‍ പഠിക്കുമ്പോള്‍ ഞാന്‍ വളരെ അടുത്തറിഞ്ഞ വ്യക്തികളില്‍ ഒരാളാണ് സൗമ്യ സന്തോഷ്. അവരുടെ കുടുംബവമായി വളരെ അടുത്ത് ഇടപഴകുന്നതിനും  അന്നു  എനിക്കു   സാധിച്ചു.  അവരുടെ ഭര്‍തൃസഹോദരിമാരായ സോഫി മാത്യു  , ഷേര്‍ലി ബെന്നി , ബീന ജെയ്സണ്‍ , ബിന്ദു  രാജു  ഈ അഞ്ചുപേരൊരുമിച്ചായിരുന്നു  അവര്‍ അവിടെ ജീവിച്ചിരുന്നത്. എപ്പോഴും ഇവരെ ഒരുമിച്ച് മാത്രമേ  എവിടെയും കാണുമായിരുന്നുള്ളു.

സൗമ്യ എന്ന പേര് അന്വര്‍ത്ഥമാക്കുന്നതുപോലെ സൗമ്യമായ പെരുമാറ്റവും ഏതൊരാളോടും കരുതലോടെയും സ്നേഹത്തോടെയും പെരുമാറാനുള്ള അവരുടെ കഴിവും ഒരു ആത്മീയ പാലകനെന്ന നിലയില്‍ എന്നെ ഏറെ ആകര്‍ഷിച്ചിരുന്നു.

ആതുര ശുശ്രൂഷക എന്ന നിലയില്‍ തന്‍റെ ജോലിയോട് എന്നും ആത്മാര്‍ത്ഥത പുലര്‍ത്തിയിരുന്ന വ്യക്തിയായിരുന്നു സൗമ്യ. എപ്പോള്‍ അവരെ വിളിക്കുമ്പോഴും ഈമയുടെ  അല്ലെങ്കില്‍  ആബായുടെ  ( ഈമ എന്നാല്‍ ഹീബ്രുവില്‍ അമ്മ , ആബാ എന്നാല്‍  പിതാവ്  ) വിശേഷങ്ങള്‍ പറയാന്‍ മാറ്റിവെക്കുന്ന സമയം ആ രംഗത്ത് അവരുടെ ആത്മാര്‍ത്ഥതയെക്കുറിച്ച് എന്നെ അതിശയിപ്പിച്ചിരുന്നു.

കേരളത്തിലായിരുന്ന മകന്‍ മത്തായിയേയും ഭര്‍ത്താവ്  സന്തോഷിനേയും ,കുടുംബാംഗങ്ങളേയും  ദിവസവും കരുതുകയും , സാധിക്കുന്ന എല്ലായ്പ്പോഴും ഫോണില്‍ വിളിച്ച് സംസാരിക്കുകയും  ചെയ്യുന്ന  അവരുടെ കുടുംബസ്നേഹം എനിക്ക് എന്നും പ്രചോദനമായിരുന്നു.

അവരിലൂടെ ഇടുക്കി, കട്ടപ്പന, കാഞ്ഞിരന്താനം , കീരിത്തോടിലെ അവരുടെ കുടുംബവും കുടംബാംഗങ്ങളുമായി വളരെ അടുത്ത ബന്ധവും സൗഹൃദവും ഉണ്ടായിരുന്നത് ഞാന്‍ ഈ അവസരത്തില്‍ അനുസ്മരിക്കുന്നു.

എന്‍റെ ഓര്‍മ്മയില്‍ ഇത്രയേറെ സ്നേഹം വാരിക്കോരി നല്‍കിയ  ഒരു കുടുംബവും , കുടുംബാംഗങ്ങളെയും ഞാന്‍  അപൂര്‍വമായേ  കണ്ടിട്ടുള്ളു. അതേ കുടുംബത്തിലംഗമായ നല്ല ധാര്‍മ്മിക മൂല്യങ്ങള്‍ പാലിച്ച സൗമ്യവതിയായ സൗമ്യ ജീവിതത്തിലെ ഏറ്റവും സുന്ദരമായ കാലഘട്ടത്തില്‍ ദൈവ സന്നിധിയിലേയ്ക്ക് തിരികെയെടുക്കപ്പെട്ടിരിക്കുന്നു എന്ന സത്യം  നാം  തിരിച്ചറിയുന്നു .

ആ കുടുംബത്തിന്‍റെ തീരാത്ത വേദനയില്‍ ഞാന്‍ അവരോടൊപ്പം ചേരട്ടെ.

എന്നെ ഏറെ വേദനിപ്പിച്ച കാര്യം നമ്മുടെ രാജ്യത്തിന് വിദേശ നാണ്യം നേടിത്തന്നിരുന്ന ഒരു നഴ്സ് ദാരുണമായ ഒരു തീവ്രവാദ സംഘടനയുടെ റോക്കറ്റാക്രമണത്തില്‍ കൊല്ലപ്പെട്ടപ്പോള്‍ അവരുടെ മരണത്തെ ലഘൂകരിക്കുവാനും , ഇസ്രേലി ആക്രമണത്തില്‍  മരണമടഞ്ഞ പാലസ്തീന്‍ യുവതിക്കു ഐക്യദാര്‍ഢ്യം പ്രഖ്യാപിച്ച് കേരളത്തിലെ മാധ്യമ പ്രവര്‍ത്തകര്‍ തയ്യാറാക്കിയ റിപ്പോര്‍ട്ടുകളുമാണ്.

മലയാളി നഴ്സ് ഷെല്ലാക്രമണത്തില്‍ കൊല്ലപ്പെട്ടു, മറിച്ച് ഇസ്രയേല്‍ ക്രൂരതയില്‍ പൊലിഞ്ഞ മാലാഖ എന്ന തലക്കെട്ടില്‍ ഇന്ത്യയില്‍   ആര്‍ക്കുമറിയാത്ത ഒരു  പാലസ്തീന്‍ പെണ്‍കുട്ടിയെക്കുറിച്ച് വന്ന ലേഖനവുമാണ്. എല്ലാ  മരണങ്ങളും  വേദനിപ്പിക്കുന്നതാണ്  , അത്  ഹിന്ദു വാകട്ടെ  , മുസ്ലിമാകട്ടെ  , ക്രിസ്ത്യനാകട്ടെ . പക്ഷെ  ഒരു ഇന്ത്യന്‍  നേഴ്സിനില്ലാത്ത  എന്ത്  മഹത്വമാണ്  പാലസ്തീന്‍ നേഴ്സിനുള്ളത് , കേരളത്തിലെ  പ്രമുഖ  സോഷ്യലിസ്റ്റ്  ദിനപത്ര  ലേഖകനടക്കം  എഴുതിയപ്പോള്‍, പറയാതെ  വയ്യ ,   പത്രപ്രവര്‍ത്തനത്തിലെ   അധാര്‍മ്മികതയേപ്പറ്റി   .

ഇതാണ് നമ്മുടെ മാധ്യമ പ്രവര്‍ത്തകര്‍ക്ക് , രാഷ്ട്രിയ  നേതൃത്വത്തെ  പോലെ തന്നെ  ഇന്ത്യാക്കാരോടുള്ള സ്നേഹവും ആദരവുമെങ്കില്‍  ഇവരോടൊക്കെ  ഒന്നേ  പറയാനുളളൂ , ആദരിച്ചില്ലെങ്കിലും , അപമാനിക്കാതിരിക്ന്‍കാന്‍  ശ്രമിക്കുക .

ഇസ്രയേല്‍ നയതന്ത്ര കാര്യാലയവും രാജ്യത്തിന്‍റെ പ്രസിഡന്‍റും ആ കുടുംബാംഗങ്ങളുടെ ദുഖത്തില്‍ പങ്കുചേരുകയും നേരിട്ട് വിളിക്കുകയും, എല്ലാ  സഹായങ്ങളും  വാഗ്ദാനം  ചെയ്യുകയും  ചെയ്തപ്പോള്‍ , നമ്മുടെ രാഷ്ട്രിയ   നേതൃത്വം  എന്താണ്  ചെയ്തത് , നാം   ഇസ്രേയേല്‍ എന്ന ചെറു  രാജ്യത്തില്‍  നിന്ന്   രാജ്യസ്നേഹം പഠിക്കേണ്ടിയിരിക്കുന്നു.

സൗമ്യയെന്ന യുവതി ജോലിക്കിടയില്‍ മരിച്ചു വീണു എന്ന് ആ രാജ്യം പറയുകയും അവര്‍ക്ക് ആദരമര്‍പ്പിക്കുകയും ചെയ്യുമ്പോള്‍, നമ്മള്‍ അവര്‍ ഷെല്‍ട്ടറില്‍ ഒളിച്ചില്ല തുടങ്ങിയ തടസ്സവാദങ്ങളുമായി ഇരുട്ടില്‍ തപ്പുന്നു. അവര്‍ പരിപാലിച്ചിരുന്ന ഈമയുമായി മാത്രമേ അവര്‍ക്കു ഷെല്‍ട്ടറിലേയ്ക്ക് പോകുവാന്‍ കഴിയുമായിരുന്നുള്ളു. തന്നെ ഏല്‍പ്പിച്ച വ്യക്തിക്കായി അവര്‍ ജീവിതം ത്യജിച്ചതായി ആ രാജ്യവും ലോകവും  മനസ്സിലാക്കുന്നു.ഷാരോണില്‍ പൊലിഞ്ഞ  ആ നല്ല മലാഖക്ക്  എന്‍റെ  ആദരാഞ്ജലികള്‍ .

സ്വിറ്റ്സര്‍ലന്‍ഡില്‍  , സൂറിച്ചിലെ  സെ. അന്തോണിയോസ്  പള്ളി  വികാരിയാണ്‌  ലേഖകന്‍ .

More News

കൊച്ചി: അന്വേഷണ ഉദ്യോഗസ്ഥരെ അപായപ്പെടുത്താന്‍ ഗൂഢാലോചന നടത്തിയെന്ന കേസില്‍ ദിലീപിന്‍റെ മുന്‍കൂര്‍ ജാമ്യത്തെ എതിര്‍ത്ത് പ്രോസിക്യൂഷന്‍ ഹൈക്കോടതിയില്‍. നടിയെ അക്രമിച്ച കേസിലെ മുഖ്യസൂത്രധാരനാണ് ദിലീപ്. നടിക്കെതിരെ നടന്നത്‌ ക്വട്ടേഷന്‍ ആക്രമണമാണെന്നും ഹൈക്കോടതിയില്‍ എതിര്‍ സത്യവാങ്മൂലത്തിലൂടെ സര്‍ക്കാര്‍ അറിയിച്ചു. ഓരോഘട്ടത്തിലും കേസ് അട്ടിമറിക്കാന്‍ ദിലീപ് ശ്രമിച്ചുവെന്നും പ്രോസിക്യൂഷന്‍ ആരോപിച്ചു. ദിലീപിനെ സഹായിക്കാൻ ഇരുപതോളം സാക്ഷികൾ കൂറുമാറിയെന്നും സത്യവാങ്മൂലത്തിൽ ചൂണ്ടിക്കാട്ടി. ദിലീപിനെ കസ്റ്റഡിയിലെടുത്ത് ചോദ്യം ചെയ്യേണ്ടതുണ്ട്. ശബ്ദ സാമ്പിളുകളും പരിശോധിക്കണം. ദിലീപിന്റെ മുൻകൂർ ജാമ്യത്തെ എതിർത്ത് ഹൈക്കോടതിയിൽ നൽകിയ സത്യവാങ്മൂലത്തിലാണ് […]

തൊടുപുഴ നഗരസഭ പരിധിയില്‍ കോവിഡ് രോഗബാധ രൂക്ഷമായിരിക്കുന്ന സാഹചര്യത്തില്‍ അടിയന്തിര പ്രതിരോധ പ്രവര്‍ത്തനങ്ങള്‍ നടത്തുന്നതിനും ജനങ്ങള്‍ക്ക് കര്‍ശന ജാഗ്രതാ നിര്‍ദ്ദേശം നല്‍കുന്നതിനും ഇന്നലെ ചേര്‍ന്ന നഗരസഭാ കൗണ്‍സില്‍ യോഗം തീരുമാനിച്ചു. വാര്‍ഡ് കൗണ്‍സിലര്‍മാരുടെ നേതൃത്വത്തില്‍ വാര്‍ഡ്തല മോണിറ്ററിംഗ് സമിതികള്‍ പുന:സംഘടിപ്പിച്ച് സജീവമാക്കും. റസിഡന്റ് അസോസിയേഷന്‍ പ്രതിനിധികള്‍, ജനമൈത്രി പോലീസ്, കുടുംബശ്രീ പ്രവര്‍ത്തകര്‍, സന്നദ്ധ പ്രവര്‍ത്തകര്‍, അങ്കണവാടി അദ്ധ്യാപകര്‍, ആരോഗ്യ പ്രവര്‍ത്തകര്‍, എസ്.സി/എസ്.ടി പ്രൊമോട്ടര്‍, ആശാവര്‍ക്കര്‍, വാര്‍ഡില്‍ താമസിക്കുന്ന സന്നദ്ധരായ സര്‍ക്കാര്‍ ഉദ്യോഗസ്ഥര്‍ എന്നിവരാണ് സമിതിയിലെ അംഗങ്ങള്‍. രോഗികളുടെ […]

തിരുവനന്തപുരം: സംസ്ഥാനത്ത് ആശുപത്രികളിലെ ഡിസ്ചാര്‍ജ് മാനദണ്ഡം പുതുക്കിയതായി ആരോഗ്യ വകുപ്പ് മന്ത്രി വീണാ ജോര്‍ജ്. നേരിയ രോഗലക്ഷണം, മിതമായ രോഗലക്ഷണം, ഗുരുതരാവസ്ഥയിലുള്ളവര്‍ എന്നിങ്ങനെ കോവിഡ് രോഗതീവ്രത അനുസരിച്ചാണ് ഡിസ്ചാര്‍ജ് പോളിസി പുതുക്കിയത്. നേരിയ രോഗലക്ഷണമുള്ളവരെ ഡിസ്ചാര്‍ജ് ചെയ്യുന്നതിന് റാപ്പിഡ് ആന്റിജന്‍ ടെസ്റ്റ് നെഗറ്റീവ് ആകണമെന്നില്ല. രോഗലക്ഷണങ്ങളുള്ള രോഗികള്‍ ലക്ഷണങ്ങള്‍ കണ്ടുതുടങ്ങിയത് മുതലോ, ലക്ഷണങ്ങള്‍ ഇല്ലാത്ത രോഗികള്‍ കോവിഡ് സ്ഥിരീകരിച്ചത് മുതലോ വീട്ടില്‍ ഏഴ് ദിവസം നിരീക്ഷണത്തില്‍ കഴിയണം. അതോടൊപ്പം മൂന്ന് ദിവസം തുടര്‍ച്ചയായി പനി ഇല്ലാതിരിക്കുകയും ചെയ്താല്‍ ഗൃഹനിരീക്ഷണം […]

ലഖ്‌നൗ: സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ് മെയിന്‍പുരി ജില്ലയിലെ കര്‍ഹാല്‍ മണ്ഡലത്തില്‍ നിന്ന് ജനവിധി തേടും. ഫെബ്രുവരി 20-നാണ് ഇവിടെ തിരഞ്ഞെടുപ്പ്. നേരത്തേ അഖിലേഷ് യാദവ് മത്സരിച്ചേക്കില്ല എന്നാണ് പാർട്ടി വൃത്തങ്ങൾ വ്യക്തമാക്കിയിരുന്നത്. മെയിൻപുരിയിലെ കർഹാൽ മണ്ഡലം സമാജ്‍വാദി പാർട്ടിയുടെ സ്വന്തം കോട്ടയാണ്. മത്സരിക്കാൻ കളത്തിലിറങ്ങിയാലും അഖിലേഷ് അസംഗഢിൽ നിന്ന് മത്സരിക്കേണ്ടതില്ലെന്നാണ് ഇന്ന് ലഖ്‍നൗവിൽ ചേർന്ന സമാജ്‍വാദി പാർട്ടി യോഗം വിലയിരുത്തിയത്. യുപി മുഖ്യമന്ത്രി യോഗി ആദിത്യനാഥ് ഗൊരഖ്പുര്‍ അര്‍ബനില്‍ നിന്നാണ് ജനവിധി തേടുന്നത്. […]

തിരുവനന്തപുരം: ടിപിആറും പ്രതിദിന രോഗബാധിതരുടെ എണ്ണവും റിക്കാര്‍ഡ് രേഖപ്പെടുത്തിയെങ്കിലും തീവ്ര രോഗബാധിതരുടെ എണ്ണം ഉയരാത്തത് പ്രതിസന്ധികള്‍ക്കിടയിലും കേരളത്തിന് ആശ്വാസമാണ്. മുമ്പ് ടിപിആര്‍ 30 ശതമാനത്തിനടുത്തെത്തുകയും പ്രതിദിന രോഗബാധിതരുടെ എണ്ണം 43529 -ലെത്തുകയും ചെയ്തപ്പോള്‍ ആശുപത്രിയില്‍ ചികിത്സയില്‍ കഴിഞ്ഞിരുന്നവരുടെ എണ്ണം സംസ്ഥാനത്ത് 4.26 ലക്ഷത്തിലെത്തിയിരുന്നു. ഓക്സിജന്‍ മാസ്കിനും ഐസിയുവിനും വെന്‍റിലേറ്ററിനും കടുത്ത ക്ഷാമം നേരിട്ടിരുന്നു. എന്നാല്‍ തീവ്ര രോഗവ്യാപനം തുടരുന്നതിനിടയിലും ആശുപത്രിയില്‍ ചികിത്സയില്‍ കഴിയുന്നവരുടെ എണ്ണം ഇപ്പോള്‍ ആറായിരത്തില്‍ താഴെ മാത്രമാണെന്നത് കേരളത്തിന് വലിയ ആശ്വാസം തന്നെയാണ്. സമ്പൂര്‍ണ […]

ഇടുക്കി ജില്ലയില്‍ ശരാശരി കൊവിഡ് ടെസ്റ്റ് പോസിറ്റിവിറ്റി നിരക്ക് 30 ശതമാനത്തിന് മുകളില്‍ എത്തിയ സാഹചര്യത്തില്‍ ജില്ലയില്‍ നിയന്ത്രണങ്ങള്‍ കര്‍ക്കശമാക്കുന്നതിന് പഞ്ചായത്തുകളില്‍ സെക്ടറല്‍ മജിസ്ട്രേറ്റുമാരെ നിയോഗിച്ചു. ജില്ലയില്‍ കൊവിഡ് -19 സുരക്ഷാമാനദണ്ഡങ്ങള്‍ നിയന്ത്രണങ്ങള്‍ എന്നിവ പൂര്‍ണ്ണമായും പാലിക്കുന്നുണ്ടെന്ന് ഉറപ്പുവരുത്തുന്നതിനാണ് ഇവരെ ഡ്യൂട്ടിക്ക് നിയോഗിച്ചിരിക്കുന്നത്. രജിസ്റ്റര്‍ ചെയ്യുന്ന കേസുകളുമായി ബന്ധപ്പെട്ട വിവരങ്ങള്‍ എല്ലാ ദിവസങ്ങളിലും കോവിഡ് ജാഗ്രത പോര്‍ട്ടലില്‍ രേഖപ്പെടുത്തണം. ബന്ധപ്പെട്ട തഹസില്‍ദാര്‍ തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാര്‍ എന്നിവരുമായി കൂടി ചേര്‍ന്ന് സെക്ടറല്‍ മജിസ്ട്രേറ്റുമാര്‍ ഡ്യൂട്ടി നിര്‍വ്വഹിക്കണം. […]

തിരുവനന്തപുരം: കോവിഡ് വ്യാപനം രൂക്ഷമായ പശ്ചാത്തലത്തിൽ സംസ്ഥാനത്ത് കൂടുതൽ നിയന്ത്രണം ഏർപ്പെടുത്തി. ഞായറാഴ്ചകളിലാണു കടുത്ത നിയന്ത്രണം. ഈ മാസം 23, 30 തീയതികളിൽ ലോക്ഡൗണിന് സമാനമായ നിയന്ത്രണം ഏര്‍പ്പെടുത്താന്‍ തീരുമാനിച്ചു. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന കോവിഡ് അവലോകന യോഗത്തിന്റേതാണ് തീരുമാനം. അവശ്യ സര്‍വീസുകള്‍ മാത്രമാകും അനുവദിക്കുക. സ്‌കൂളുകള്‍ പൂര്‍ണ്ണമായും നാളെ മുതല്‍ ഓണ്‍ലൈന്‍ ക്ലാസുകളിലേക്ക് മാറാനും തീരുമാനിച്ചിട്ടുണ്ട്. നേരത്തെ ഒന്ന് മുതല്‍ ഒമ്പത് വരെ ക്ലാസുകളിലുള്ളവര്‍ക്കായിരുന്നു 21 മുതല്‍ ഓണ്‍ലൈന്‍ ക്ലാസുകള്‍ അനുവദിച്ചിരുന്നത്. രാത്രികാല കര്‍ഫ്യൂവേണ്ടെന്ന് അവലോകനയോഗം […]

കൊച്ചി: സീറോ മലബാര്‍ സഭാ സിനഡിന്‍റെ നിര്‍ദേശപ്രകാരമുള്ള ഏകീകൃത കുര്‍ബാന അര്‍പ്പണം എറണാകുളം-അങ്കമാലി അതിരൂപതയില്‍ നടപ്പിലാക്കുന്നതില്‍ വൈദികരുടെയും ചില അല്‍മായരുടെയും എതിര്‍പ്പ് തുടരുകയാണെന്ന് ആര്‍ച്ച് ബിഷപ്പ് മാര്‍ ആന്‍റണി കരിയില്‍ കര്‍ദിനാള്‍ മാര്‍ ജോര്‍ജ് ആലഞ്ചേരിയെ അറിയിച്ചു. ഇതോടെ അതിരൂപതയില്‍ ഏകീകൃത കുര്‍ബാന അര്‍പ്പണം നപ്പിലാക്കുന്നതിന് നിര്‍ദേശം നല്‍കുന്ന കത്ത് 22 -ന് പുറത്തിറക്കണമെന്ന മാര്‍ ആന്‍റണി കരിയിലിനുള്ള സിനഡ് നിര്‍ദേശം നടപ്പിലാകുന്ന കാര്യത്തില്‍ ആശങ്ക തുടരുകയാണ്. സഭയിലെ മറ്റെല്ലാ രൂപതകളിലും നടപ്പിലാക്കിയ ഏകീകൃത കുര്‍ബാന എറണാകുളം-അങ്കമാലി […]

ഇടുക്കി: വര്‍ദ്ധിച്ചു വരുന്ന കോവിഡ് ഭീഷണിയെ നേരിടാന്‍ വാക്സിനേഷന്‍ പ്രവര്‍ത്തനങ്ങള്‍ ജില്ലയില്‍ ഊര്‍ജ്ജിതമാക്കി. ആശുപത്രികള്‍ക്കു പുറമെയുള്ള് സ്ഥാപനങ്ങളില്‍ക്കൂടി കോവിഡ് വാക്സിനേഷന്‍ ക്യാമ്പുകള്‍ ജില്ലാ ആരോഗ്യ വകുപ്പിന്റെ നേത്യത്വത്തില്‍ ആരംഭിച്ചു. ഇന്ന് ജില്ലാ കളക്ടറേറ്റ്, ജില്ലാ മെഡിക്കല്‍ ഓഫീസ് എന്നിവിടങ്ങളില്‍ കോവിഡ് വാക്സിനേഷന്‍ ക്യാമ്പുകള്‍ നടത്തി. വരും ദിവസങ്ങളിന്‍ കൂടുതല്‍ ക്യാമ്പുകള്‍ സംഘടിപ്പിച്ച് വാക്സിനേഷന്‍ കൂടുതല്‍ ഊര്‍ജ്ജിതപ്പെടുത്തുമെന്ന് ജില്ലാ മെഡിക്കല്‍ ഓഫീസര്‍ ഡോ: ജേക്കബ് വര്‍ഗ്ഗീസ് അറിയിച്ചു. വാക്സിന്‍ എടുക്കാനുള്ള മുഴുവന്‍ ആളുകളും എത്രയും വേഗം വാക്സിന്‍ സ്വീകരിക്കാന്‍ […]

error: Content is protected !!