ഐ.സി.സി റാങ്കിംഗിൽ പാക്കിസ്ഥാനെ പിന്നിലാക്കി ഇന്ത്യ; രണ്ടാം സ്ഥാനത്ത് ഇന്ത്യ, മൂന്നാമത് പാക്കിസ്ഥാൻ, ഒന്നാമത് ഓസ്ട്രേലിയ തന്നെ

ഡൽഹി: ഐ.സി.സി റാങ്കിംഗിൽ പാക്കിസ്ഥാനെ പിന്നിലാക്കി ഇന്ത്യ. ഏഷ്യാ കപ്പ് സൂപ്പർ 4 പോരാട്ടത്തിൽ ഇന്ത്യയോടും ശ്രീലങ്കയോടും തോറ്റതോടെയാണ് പാക്കിസ്ഥാൻ പിറകോട്ട് പോയത്. 

രണ്ടാം സ്ഥാനക്കാരായിരുന്ന പാക്കിസ്ഥാൻ റേറ്റിംഗിൽ ഒരു പോയിന്റ് പിറകിൽ വന്നു. 116ൽ നിന്ന് പാകിസ്താൻ 115ൽ ആയി. ഇതോടെ അവർ രണ്ടാം സ്ഥാനത്ത് നിന്ന് മൂന്നാം സ്ഥാനത്തേക്ക് താഴ്ന്നു.

116 പോയിന്റുള്ള ഇന്ത്യ രണ്ടാം സ്ഥാനത്ത് എത്തി. ഏഷ്യാ കപ്പ് തുടങ്ങുമ്പോൾ പാകിസ്താൻ ആയിരുന്നു ലോക റാങ്കിംഗിൽ ഒന്നാമത്. ഇപ്പോൾ 118 റേറ്റിംഗ് പോയിന്റുള്ള ഓസ്ട്രേലിയ ആണ് ഒന്നാമത്.

ഓസ്ട്രേലിയ ദക്ഷിണാഫ്രിക്കയ്ക്ക് എതിരെ അവസാന രണ്ട് മത്സരങ്ങൾ പരാജയപ്പെടുകയും ഇന്ത്യ ഏഷ്യാ കപ്പ് ഫൈനൽ ജയിക്കുകയും ചെയ്താൽ ഇന്ത്യ റാങ്കിംഗിൽ ഒന്നാമത് എത്തും.