ഏകദിന ക്രിക്കറ്റ് റാങ്കിംഗിൽ ശുഭ്മൻ ഗിൽ മൂന്നാം സ്ഥാനത്ത്; ഒന്നാമത് ബാബർ അസം തന്നെ, 10ാം സ്ഥാനത്ത് കോഹ്ലി, 11ാമത് രോഹിത് ശർമ

ഡൽഹി: ഏകദിന ക്രിക്കറ്റ് റാങ്കിംഗിൽ ഇന്ത്യൻ ഒപ്പണർ ശുഭ്‌മാൻ ഗിൽ മൂന്നാം സ്ഥാനത്തെത്തി. ഏഷ്യാകപ്പിൽ നേപ്പാളിനെതിരെ മികച്ച പ്രകടനം കാഴ്ചവച്ചതാണ് അദ്ദേഹത്തിന്റെ റേറ്റിം​ഗ് ഉയർത്തിയത്. 750 പോയിന്റാണ് ​ഗില്ലിന്.

882 റേറ്റിംഗ് പോയിന്റുമായി ബാബർ അസം ഒന്നാം സ്ഥാനത്തും 777 റേറ്റിംഗ് പോയിന്റുമായി റാസി വാൻ ഡെർ ഡസ്സെൻ രണ്ടാം സ്ഥാനത്തുമാണ്.

പാക്കിസ്ഥാനെതിരായ മത്സരത്തിൽ 82 റൺസ് നേടിയ ഇഷാൻ കിഷനും 12 സ്ഥാനങ്ങൾ മെച്ചപ്പെടുത്തി 24-ാം സ്ഥാനത്തെത്തി. വിരാട് കോഹ്‌ലിയാന് ആദ്യ പത്തിൽ ഉള്ള മറ്റൊരു ഇന്ത്യൻ താരം. കോഹ്ലി പത്താം സ്ഥാനത്താണ്. ഇന്ത്യൻ ക്യാപ്റ്റൻ രോഹിത് ശർമ്മ 11-ാം സ്ഥാനത്താണ്.