ഷമി എറിഞ്ഞിട്ടു, ഗില്ലും ഗെ​യ്ക്‌​വാ​ദും അടിച്ചൊതുക്കി! ഓ​സ്ട്രേ​ലി​യക്കെതിരെ ഇ​ന്ത്യ​യ്ക്ക് തകർപ്പൻ ജ​യം

മൊ​ഹാ​ലി: ആ​ദ്യ ഏ​ക​ദി​ന​ത്തി​ൽ ഓ​സ്ട്രേ​ലി​യ​യ്ക്കെ​തി​രെ​ തകർപ്പൻ ജയത്തോടെ തുടങ്ങി ടീം ഇ​ന്ത്യ​. ഓ​സ്ട്രേ​ലി​യ ഉ​യ​ർ​ത്തി​യ 277 റ​ണ്‍​സ് വി​ജ​യ​ല​ക്ഷ്യം അ​ഞ്ച് വി​ക്ക​റ്റ് ന​ഷ്ട​ത്തി​ൽ ഇ​ന്ത്യ 48.4 ഓ​വ​റി​ൽ മ​റി​ക​ട​ന്നു.

ഓ​പ്പ​ണ​റു​മാ​രാ​യ ശു​ഭ്മാ​ൻ ഗി​ല്ലി​ന്‍റെ​യും ഋ​തു​രാ​ജ് ഗെ​യ്ക്‌​വാ​ദി​ന്‍റെ​യും ത​ക​ർ​പ്പ​ൻ പ്ര​ക​ട​ന​മാ​ണ് ഇ​ന്ത്യ​യ്ക്ക് ക​രു​ത്താ​യ​ത്. ശു​ഭ്മാ​ൻ ഗി​ൽ 74 (63), ഋ​തു​രാ​ജ് ഗെ​യ്ക്‌​വാ​ദ് 71 (77) എ​ന്നി​വ​ർ ചേ​ർ​ന്ന് 21.4 ഓ​വ​റി​ൽ 142 റ​ണ്‍​സാ​ണ് അ​ടി​ച്ചു​കൂ​ട്ടി​യ​ത്. സൂ​ര്യ​കു​മാ​ർ യാ​ദ​വ് 50 (49), രാ​ഹു​ൽ 63 പ​ന്തി​ൽ പു​റ​ത്താ​കാ​തെ 58 റ​ണ്‍​സ് നേ​ടിയതും ഇന്ത്യക്ക് കരുത്തായി.

ഓ​സ്ട്രേ​ലി​യ​യ്ക്കാ​യി സ്പി​ന്ന​ർ ആ​ദം സാം​പ ര​ണ്ട് വി​ക്ക​റ്റ് വീ​ഴ്ത്തി. ഇ​ന്ത്യ​യ്ക്കാ​യി മു​ഹ​മ്മ​ദ് ഷ​മി പ​ത്ത് ഓ​വ​റി​ൽ 51 റ​ണ്‍​സ് വ​ഴ​ങ്ങി അ​ഞ്ച് വി​ക്ക​റ്റ് വീ​ഴ്ത്തി. ജ​സ്പ്രീ​ത് ബും​മ്ര, ര​വീ​ച​ന്ദ്ര അ​ശ്വി​ൻ, ര​വീ​ന്ദ്ര ജ​ഡേ​ജ എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി.