/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/3kNkrmMq2Soe86MfZxPw.png)
2028ല്‍ ലോസ് ഏഞ്ചല്‍സില്‍ നടക്കുന്ന ഗെയിംസിനുള്ള പ്രോഗ്രാമില്‍ ഉള്‍പ്പെടുത്തുന്നതിന് അന്താരാഷ്ട്ര ഒളിമ്പിക് കമ്മിറ്റിയുടെ എക്‌സിക്യൂട്ടീവിന് ക്രിക്കറ്റ് അംഗീകാരം ലഭിച്ചു.
ലോസ് ഏഞ്ചല്‍സ് 2028 ഒളിമ്പിക്‌സില്‍ ഉള്‍പ്പെടുത്താന്‍ നിര്‍ദ്ദേശിച്ച ക്രിക്കറ്റും ഫ്‌ളാഗ് ഫുട്‌ബോളും ഉള്‍പ്പെടെ അഞ്ച് കായിക ഇനങ്ങള്‍ക്ക് ഇന്ന് മുംബൈയില്‍ നടന്ന അന്താരാഷ്ട്ര ഒളിമ്പിക് കമ്മിറ്റി എക്സിക്യൂട്ടീവ് ബോര്‍ഡ് അംഗീകാരം നല്‍കി.
എല്‍എ 2028 ഗെയിംസിന്റെ സംഘാടകര്‍ ഈ ആഴ്ച ക്രിക്കറ്റ്, ഫ്‌ളാഗ് ഫുട്‌ബോള്‍, ലാക്രോസ്, സ്‌ക്വാഷ്, ബേസ്‌ബോള്‍-സോഫ്റ്റ്‌ബോള്‍ എന്നിവ ഇവന്റിലേക്ക് ചേര്‍ക്കണമെന്ന് പറഞ്ഞു. ഏതാനും വര്‍ഷങ്ങള്‍ക്ക് മുമ്പ് അംഗീകരിച്ച ഐഒസി നിയമങ്ങള്‍ പ്രകാരം ഓരോ ആതിഥേയ നഗരത്തിനും അവരുടെ ഗെയിംസിന്റെ പതിപ്പിനായി നിരവധി കായിക ഇനങ്ങള്‍ ഉള്‍പ്പെടുത്താന്‍ അഭ്യര്‍ത്ഥിക്കാം.
ഈ നിര്‍ദേശങ്ങള്‍ ഐഒസി എക്സിക്യൂട്ടീവ് ബോര്‍ഡ് പാക്കേജായി അംഗീകരിച്ചിട്ടുണ്ടെന്ന് ഐഒസി പ്രസിഡന്റ് തോമസ് ബാച്ച് എക്സിക്യൂട്ടീവ് ബോര്‍ഡ് മീറ്റിംഗിന്റെ അവസാനം വാര്‍ത്താസമ്മേളനത്തില്‍ പറഞ്ഞു.