ഫിഫ ലോകകപ്പ് യോഗ്യത രണ്ടാം റൗണ്ട്; ഇന്ത്യ ഗ്രൂപ്പ് എയിൽ

2026ലെ ഫിഫ ലോകകപ്പിനുള്ള രണ്ടാം റൗണ്ട് യോഗ്യതാ മത്സരങ്ങളിൽ ഇന്ത്യ ഗ്രൂപ്പ് എയിൽ. ഇന്ത്യക്ക് പുറമേ, ഖത്തർ, കുവൈത്ത്, അഫ്ഗാനിസ്ഥാൻ/മംഗോളിയ ടീമുകളാണ് ഈ ഗ്രൂപ്പിലുള്ളത്. ലോക റാങ്കിങ്ങിൽ 58-ാം സ്ഥാനത്തുള്ള ഖത്തറാണ് ഗ്രൂപ്പിലെ ശക്തരായ ടീം. കുവൈത്ത് 141-ാം റാങ്കിലാണ് എങ്കിലും മികച്ച ടീമാണ് അവരുടേത്. സാഫ് കപ്പിലെയും ഇന്റർകോണ്ടിനന്റ് കപ്പിലെയും മികച്ച പ്രകടനങ്ങളുടെ അടിസ്ഥാനത്തിൽ 99-ാം സ്ഥാനത്താണ് ഇപ്പോൾ ഇന്ത്യൻ ടീം.

ഗ്രൂപ്പിലെ ടീമുകളുമായി ഈയിടെ നടന്ന മത്സരങ്ങളിൽ ഖത്തറിനോട് മാത്രമാണ് ഇന്ത്യ തോൽവിയറിഞ്ഞിരുന്നത്. ഏകപക്ഷീയമായ ഒരു ഗോളിനായിരുന്നു തോൽവി. കുവൈത്തിനെ ഷൂട്ടൗട്ടിൽ 4-5 (1-1)നും അഫ്ഗാനെ 2-1നും മംഗോളിയയെ എതിരില്ലാത്ത രണ്ടു ഗോളിനും ഇന്ത്യ തോൽപ്പിച്ചിരുന്നു.