ഐപിഎല്‍ രണ്ടാം ഘട്ടം വിദേശത്തേക്ക് മാറ്റുമെന്ന റിപ്പോര്‍ട്ടുകള്‍ തള്ളി ബിസിസിഐ; ഇന്ത്യയില്‍ തന്നെ നടത്തുമെന്ന് ജയ് ഷായും, അരുണ്‍ ധുമാലും

ന്യൂഡല്‍ഹി: ലോക്സഭാ തെരഞ്ഞെടുപ്പ് തീയതികള്‍ പ്രഖ്യാപിച്ചതിനാല്‍ ഐ.പി.എല്‍. 17-ാം സീസണിന്റെ രണ്ടാംപാദ മത്സരങ്ങള്‍ വിദേശത്തേക്കു മാറ്റുമെന്ന റിപ്പോര്‍ട്ടുകള്‍ തള്ളി ബി.സി.സി.ഐ. ഐപിഎല്‍ ഇന്ത്യയില്‍ തന്നെ നടത്തുമെന്ന് ഐപിഎല്‍ ചെയര്‍മാന്‍ അരുണ്‍ ധുമാല്‍ വ്യക്തമാക്കി.

ടൂര്‍ണമെന്റിലെ മുഴുവന്‍ മത്സരങ്ങളും ഇന്ത്യയില്‍ തന്നെ നടക്കുമെന്ന് ക്രിസ്ബസിന് നല്‍കിയ അഭിമുഖത്തില്‍ ബി.സി.സി.ഐ. സെക്രട്ടറി ജയ് ഷായും വ്യക്തമാക്കി.