മികച്ച തുടക്കം മുതലാക്കാനാകാതെ ഒഡീഷ, തകര്‍പ്പന്‍ തിരിച്ചുവരവുമായി മുംബൈ; മത്സരം സമനിലയില്‍

മുംബൈ: ഇന്ത്യന്‍ സൂപ്പര്‍ ലീഗില്‍ ഇന്ന് നടന്ന ഒഡീഷ എഫ്‌സി-മുംബൈ സിറ്റി മത്സരം സമനിലയില്‍ കലാശിച്ചു. ഇരുടീമുകളും ഓരോ ഗോളടിച്ചു.

14-ാം മിനിറ്റില്‍ റോയ് കൃഷ്ണ നേടിയ ഗോളിലൂടെ ഒഡീഷയാണ് ആദ്യം മുന്നിലെത്തിയത്. തൊട്ടുപിന്നാലെ 23-ാം മിനിറ്റില്‍ നിക്കോസ് കരെലിസ് ആതിഥേയരായ മുംബൈയെ ഒപ്പമെത്തിച്ചു.

80-ാം മിനിറ്റില്‍ അഹമ്മദ് ജാഹു ചുവപ്പുകാര്‍ഡ് കണ്ട് പുറത്തായത് ഒഡീഷയ്ക്ക് തിരിച്ചടിയായി. പോയിന്റ് പട്ടികയില്‍ ഏഴാമതാണ് ഒഡീഷ. മുംബൈ ഒമ്പതാമതും.