പാരീസ് ഒളിമ്പിക്സ് 2024: നീരജ് ചോപ്ര 28 അംഗ അത്ലറ്റിക്സ് ടീമിനെ നയിക്കും

ന്യൂഡല്‍ഹി: ജൂലൈ 26ന് ആരംഭിക്കുന്ന പാരീസ് ഒളിമ്പിക്‌സിൽ 28 അംഗ ഇന്ത്യൻ അത്‌ലറ്റിക്‌സ് സംഘത്തെ ഒളിമ്പിക്‌സ് സ്വർണമെഡൽ ജേതാവ് നീരജ് ചോപ്ര നയിക്കും. 17 പുരുഷന്മാരും 11 വനിതാ അത്‌ലറ്റുകളും അടങ്ങുന്നതാണ് ഇന്ത്യൻ ടീം.

സ്‌ക്വാഡിലെ അംഗങ്ങളായ റേസ് വാക്കർമാരായ പ്രിയങ്ക ഗോസ്വാമിയും അക്ഷ്ദീപ് സിംഗുമാണ് ഈ വർഷം അത്‌ലറ്റിക്‌സിന് യോഗ്യത നേടിയ ആദ്യ ഇന്ത്യക്കാർ. 

ടീം:

പുരുഷന്മാർ:

അവിനാഷ് സാബ്ലെ (3,000 മീറ്റർ സ്റ്റീപ്പിൾ ചേസ്), നീരജ് ചോപ്ര, കിഷോർ കുമാർ ജെന (ജാവലിൻ ത്രോ), തജീന്ദർപാൽ സിങ് ടൂർ (ഷോട്ട്പുട്ട്), പ്രവീൺ ചിത്രവേൽ, അബുല്ല അബൂബക്കർ (ട്രിപ്പിൾ ജമ്പ്), അക്ഷ്ദീപ് സിംഗ്, വികാഷ് സിംഗ്, പരംജീത് സിംഗ് ബിഷ്ത് (20 കി.മീ റേസ് നടത്തം), മുഹമ്മദ് അനസ്, മുഹമ്മദ് അജ്മൽ, അമോജ് ജേക്കബ്, സന്തോഷ് തമിഴരശൻ, രാജേഷ് രമേഷ് (4x400 മീറ്റർ റിലേ), മിജോ ചാക്കോ കുര്യൻ (4x400 മീറ്റർ റിലേ), സൂരജ് പൻവാർ (റേസ് വാക്ക് മിക്സഡ് മാരത്തൺ), സർവേഷ് അനിൽ കുഷാരെ (ഹൈജമ്പ്).

സ്ത്രീകൾ:

കിരൺ പഹൽ (400 മീറ്റർ), പരുൾ ചൗധരി (3,000 മീറ്റർ സ്റ്റീപ്പിൾ ചേസ്, 5,000 മീറ്റർ), ജ്യോതി യർരാജി (100 മീറ്റർ ഹർഡിൽസ്), അന്നു റാണി (ജാവലിൻ ത്രോ), ആഭാ ഖതുവ (ഷോട്ട്പുട്ട്), ജ്യോതിക ശ്രീ ദണ്ഡി, ശുഭ വെങ്കിടേശൻ, വിത്യ രാംരാജ്, പൂവമ്മ എംആർ (4x400 മീറ്റർ റിലേ), പ്രാചി (4x400 മീറ്റർ), പ്രിയങ്ക ഗോസ്വാമി (20 കിലോമീറ്റർ റേസ് നടത്തം/റേസ് നടത്തം മിക്സഡ് മാരത്തൺ).