ഫ്രാൻസിസ്‌ മാർപാപ്പയുടെ വിയോ​ഗം. ഇറ്റാലിയൻ ഫുട്‌ബോൾ ലീഗിലെ മത്സരങ്ങൾ മാറ്റിവച്ചു

റോം: ഫ്രാൻസിസ്‌ മാർപാപ്പയുടെ മരണത്തെ തുടർന്ന്‌ ഇറ്റാലിയൻ ഫുട്‌ബോൾ ലീഗിലെ (സീരി എ) മത്സരങ്ങൾ മാറ്റിവച്ചു. തിങ്കളാഴ്‌ച രാത്രി നടക്കേണ്ടിയിരുന്ന മത്സരങ്ങളാണ്‌ മാറ്റിവച്ചത്‌.

ടൊറിനൊ–ഉദിനെസ്, കാഗില്ലാരി–ഫിയോറെന്റീന, ജനോവ–ലാസിയോ, പാർമ–യുവന്റസ്‌ മത്സരങ്ങളാണ്‌ മാറ്റിവച്ചത്‌.

മാറ്റിവച്ച മത്സരങ്ങളുടെ തീയതി പിന്നീട്‌ അറിയിക്കുമെന്ന്‌ സീരി എ ഭാരവാഹികൾ പ്രസ്‌താവനയിലൂട അറിയിച്ചു.

ആഗോള കത്തോലിക്കാ സഭയുടെ പരമാധ്യക്ഷന്‍ ഫ്രാന്‍സിസ് മാര്‍പാപ്പ കാലം ചെയ്തു. 88 വയസ്സായിരുന്നു. വത്തിക്കാന്‍ സമയം രാവിലെ 7.35നായിരുന്നു (ഇന്ത്യന്‍ സമയം 11.05), ലാളിത്യം കൊണ്ടും പാവങ്ങളോടുള്ള അനുഭാവം കൊണ്ടും ലോകത്തിന്റെ ഹൃദയം കവര്‍ന്ന പാപ്പയുടെ അന്ത്യം.