ഷാക്കിബ് അല്‍ ഹസന് വന്‍ തിരിച്ചടി; താരത്തെ ക്രിക്കറ്റില്‍ നിന്ന് വിലക്കിയേക്കും; ഷാക്കിബിന് നിരോധനം ഏര്‍പ്പെടുത്തണമെന്നാവശ്യപ്പെട്ട് ബംഗ്ലാദേശ് ക്രിക്കറ്റ് ബോര്‍ഡിന് ലീഗല്‍ നോട്ടീസ്‌

ധാക്ക: ക്രിക്കറ്റ് താരം ഷാക്കിബ് അല്‍ ഹസന് എല്ലാ ഫോര്‍മാറ്റില്‍ നിന്നും വിലക്ക് ഏര്‍പ്പെടുത്തണമെന്നാവശ്യപ്പെട്ട് ബംഗ്ലാദേശ് ക്രിക്കറ്റ് ബോര്‍ഡിന് (ബിസിബി) ലീഗല്‍ നോട്ടീസ് ലഭിച്ചു.ആഗസ്റ്റ് 5 ന് ധാക്കയിലെ അഡബോറിൽ ന​ട​ന്ന പ്ര​ക്ഷോ​ഭ​ത്തി​നി​ടെ യു​വാ​വ് വെ​ടി​യേ​റ്റ് മരിച്ച സം​ഭ​വ​ത്തി​ൽ ഷാക്കിബ് അല്‍ ഹസനെതിരെ കൊലക്കുറ്റം ചുമത്തിയിരുന്നു.

മു​ൻ പ്ര​ധാ​ന​മ​ന്ത്രി ഷെ​യ്ക്ക് ഹ​സീ​ന​യു​ടെ രാ​ജി ആ​വ​ശ്യ​പ്പെ​ട്ട് ന​ട​ന്ന പ്ര​തി​ഷേ​ധ​ത്തി​ൽ വസ്ത്ര ഫാക്ടറി തൊഴിലാളി റൂ​ബ​ൽ എ​ന്ന യു​വാ​വ് കൊ​ല്ല​പ്പെ​ട്ട സം​ഭ​വ​ത്തി​ലാ​ണ് ഷാക്കിബി​നെ​തി​രെ കേ​സ് എ​ടു​ത്ത​ത്. ഷെ​യ്ഖ് ഹ​സീ​ന​യു​ടെ പാ​ർ​ട്ടി​യാ​യ അ​വാ​മി ലീ​ഗി​ന്‍റെ മു​ൻ എം​പി​യാ​ണ് ഷാ​ക്കീ​ബ് അ​ൽ ഹ​സ​ൻ. കേ​സി​ലെ 28-ാം പ്ര​തി​യാ​ണ് ഷാ​ക്കി​ബ്.

 ബം​ഗ്ലാ​ദേ​ശ് മു​ൻ പ്ര​ധാ​ന​മ​ന്ത്രി ഷെ​യ്ഖ് ഹ​സീ​ന, അ​വാ​മി ലീ​ഗ് ജ​ന​റ​ൽ സെ​ക്ര​ട്ട​റി ഒ​ബൈ​ദു​ൽ ഖാ​ദ​ർ ഉ​ൾ​പ്പ​ടെ 154 പേ​ർ കേ​സി​ൽ പ്ര​തി​ക​ളാ​ണ്. തി​രി​ച്ച​റി​യു​ന്ന 500 പേ​ർ​ക്കെ​തി​രെ​യും പൊലീസ് കേസെടുത്തിരുന്നു.

റൂബെലിൻ്റെ പിതാവ് റഫീഖുൽ ഇസ്ലാമിൻ്റെ അഭിഭാഷകർ ബിസിബിക്ക് നല്‍കിയ നോട്ടീസിലാണ് ഷാക്കിബിന് ക്രിക്കറ്റില്‍ നിന്ന് നിരോധനം ഏര്‍പ്പെടുത്തണമെന്ന് ആവശ്യപ്പെട്ടത്. ക്രിമിനല്‍ കേസില്‍ ഉള്‍പ്പെട്ട ഒരാള്‍ക്ക് ദേശീയ ടീമിന്റെ ഭാഗമാകാനാകില്ലെന്ന ഐസിസി നിയമങ്ങള്‍ ചൂണ്ടിക്കാട്ടിയാണ് നോട്ടീസ് നല്‍കിയത്.

ഷാക്കിബിനെ ബംഗ്ലാദേശിലേക്ക് തിരികെ കൊണ്ടുവരാനും ഈ സംഭവവികാസത്തെക്കുറിച്ച് ഐസിസിയെ അറിയിക്കാനും ശ്രമിക്കണമെന്നും നോട്ടീസിൽ ആവശ്യപ്പെടുന്നു. ഷാക്കിബിൻ്റെ കാര്യത്തിൽ അന്തിമ തീരുമാനം ഉടനുണ്ടാകുമെന്ന്‌ ബിസിബി പ്രസിഡൻ്റ് ഫാറൂഖ് അഹമ്മദ് പറഞ്ഞു.