ക്രിക്കറ്റ് മത്സരത്തിനിടെ നെഞ്ചുവേദന, കുഴഞ്ഞുവീണു മരിച്ചു, സംഭവം ബൗണ്ടറിയടിച്ച ശേഷം

പൂനെയിൽ പ്രാദേശിക ക്രിക്കറ്റ് ലീഗ് മത്സരത്തിനിടെ ക്രിക്കറ്റ് താരം നെഞ്ചുവേദനയെ തുടര്‍ന്ന് കുഴഞ്ഞുവീണു മരിച്ചു. ബാറ്റിങ്ങിനിടെ വേദന അനുഭവപ്പെടുന്നതായി അമ്പയറോട് പറഞ്ഞ ശേഷം ഡഗ് ഔട്ടിലേക്ക് മടങ്ങിയതിനു പിന്നാലെയാണ് മരണം. 35 വയസുകാരൻ ഇമ്രാൻ പട്ടേലാണ് മരിച്ചത്. പൂനെ ഛത്രപതി സംഭാജിനഗറിലെ ക്രിക്കറ്റ് ഗ്രൗണ്ടിലാണ് സംഭവം.

പ്രാദേശിക തലത്തിൽ നിരവധി മത്സരങ്ങളിൽ തകർപ്പൻ പ്രകടനം നടത്തിയ ഇമ്രാൻ കഴിഞ്ഞ ദിവസം വൈകുന്നേരം സ്വകാര്യ ടൂർണമെന്‍റ് കളിക്കുകയായിരുന്നു. ഇമ്രാൻ ഒരു ബൗണ്ടറി അടിച്ചശേഷം അമ്പയറുടെ അടുത്തേക്ക് പോകുന്നത് വീഡിയോയില്‍ കാണാവുന്നതാണ്.