ഐഎസ്എല്ലിൽ കേരള ബ്ലാസ്റ്റേഴ്‌സിന് ഇന്ന് ആദ്യ എവേ മത്സരം, എതിരാളി നോര്‍ത്ത് ഈസ്റ്റ് യുണൈറ്റഡ്, കിക്കോഫ് ഗുവാഹത്തി ഇന്ദിരാഗാന്ധി സ്‌റ്റേഡിയത്തില്‍ രാത്രി 7.30 ന്

രണ്ട് ഹോം മത്സരങ്ങള്‍ക്ക് ശേഷമാണ് ബ്ലാസ്‌റ്റേഴ്‌സ് ആദ്യ എവേ മത്സരത്തിന് ബൂട്ടുകെട്ടുന്നത്. ഒരു കളിയില്‍ ജയവും ഒരു കളിയില്‍ തോല്‍വിയുമായിരുന്നു ഫലം. കൊച്ചിയില്‍ നടന്ന മത്സരത്തില്‍ കൊല്‍ക്കത്ത ഈസ്റ്റ് ബംഗാളിനെ 2-1 ന് പരാജയപ്പെടുത്തിയതിന്റെ ആത്മവിശ്വാസത്തിലാണ് ബ്ലാസ്റ്റേഴ്‌സ് ടീം. ഈസ്റ്റ് ബംഗാളിനെതിരെ കളിച്ച ടീമില്‍ കാര്യമായ മാറ്റത്തിന് സാധ്യതയില്ലെന്നാണ് സൂചന.