ബാബര്‍ അസത്തേയും മുഹമ്മദ് റിസ്വാനേയും പുറത്താക്കി. ക്രിക്കറ്റ് ലോകത്തെ ഞെട്ടിച്ച് പാകിസ്ഥാന്റെ ഏഷ്യാ കപ്പ് ടീം പ്രഖ്യാപനം

കറാച്ചി: ക്രിക്കറ്റ് ലോകത്തെ ഞെട്ടിച്ച് പാകിസ്ഥാൻ ക്രിക്കറ്റ് ബോർഡ് ഏഷ്യാ കപ്പിനുള്ള 17 അംഗ ടീമിനെ പ്രഖ്യാപിച്ചു. മുൻ നായകനും പ്രധാന താരവുമായ ബാബർ അസവും, സ്ഥിരം ഓപ്പണർ മുഹമ്മദ് റിസ്വാനും ടീമിൽ ഇടമില്ല.

പ്രഖ്യാപനം വന്ന ഉടൻ തന്നെ ആരാധകർ സോഷ്യൽ മീഡിയയിലൂടെ ശക്തമായ പ്രതികരണവുമായി രംഗത്തെത്തി. ടീമിന്റെ മുഖ്യ സ്‌കോറർമാരെ ഒഴിവാക്കിയ തീരുമാനം വലിയ വിമർശനങ്ങൾക്കിടയാക്കിയിരിക്കുകയാണ്.

പുതിയ താരങ്ങൾക്ക് കൂടുതൽ അവസരം നൽകാൻ വേണ്ടിയാണ് ടീമിൽ മാറ്റങ്ങൾ വരുത്തിയതെന്നു തിരഞ്ഞെടുപ്പ് സമിതി വ്യക്തമാക്കി. യുവതാരങ്ങളുടെ പ്രകടനം മുൻനിർത്തിയാണ് വരാനിരിക്കുന്ന ഏഷ്യാ കപ്പിനായി പുതിയ സംഘം തെരഞ്ഞെടുത്തതെന്ന് അറിയിച്ചു.

പാകിസ്ഥാൻ ടീമിലെ പ്രധാന താരങ്ങളുടെ ഒഴിവാക്കലോടെ ടൂർണമെന്റിൽ അവരുടെ പ്രകടനത്തെക്കുറിച്ച് വലിയ ആശങ്കകളാണ് ഉയരുന്നത്. ക്രിക്കറ്റ് വിശകലനക്കാർ പറയുന്നത്,

പരിചയസമ്പന്നരായ ബാബർ അസവും റിസ്വാനും ഇല്ലാത്തത് ടീമിന്റെ ബാറ്റിംഗ് നിരയെ ദുര്‍ബലമാക്കുമെന്നും അത് വലിയ അപകടമായി മാറുമെന്നുമാണ്.