സിഡ്നി: ഓസ്ട്രേലിയൻ ബാറ്റർ ഡേവിഡ് വാർണർ 13 വർഷത്തെ ടെസ്റ്റ് കരിയറിനോട് വിട പറഞ്ഞു. പാക്കിസ്ഥാനെതിരേ നടന്ന മൂന്നാം ടെസ്റ്റിൽ അർധ സെഞ്ചുറിയോടെയാണ് താരം പടിയിറങ്ങുന്നത്.
സാജിദ് ഖാന്റെ പന്തിൽ എൽബിഡബ്ല്യു ആയാണ് താരം പുറത്തായത്. നിറഞ്ഞ കൈയടികളോടെ ഗാലറിയും, ഗാർഡ് ഓഫ് ഓണർ നല്കി ഇരു ടീം അംഗങ്ങളും താരത്തെ ആദരിച്ചു.
112 ടെസ്റ്റുകളിൽ നിന്നായി 26 സെഞ്ചുറിയും 37 അർധസെഞ്ചുറികളും ഉൾപ്പെടെ 8,786 റണ്സാണ് വാർണറുടെ സംഭാവന.
2011 ൽ ന്യൂസിലാൻഡിനെതിരേ ബ്രിസ്ബേനിൽ ടെസ്റ്റ് അരങ്ങേറ്റം കുറിച്ച വാർണർ ഓസീസ് റണ്വേട്ടക്കാരുടെ പട്ടികയിൽ അഞ്ചാമനായാണ് മടങ്ങുന്നത്.