അ​ഞ്ചാം ട്വ​ന്‍റി-20​യും ജയിച്ച് ഇന്ത്യ; അവസാന ഓവറിൽ ഓസ്ട്രേലിയയെ എറിഞ്ഞൊതുക്കി നേടിയത് ആറ് റൺസ് ജയം; ആ​വേ​ശ ജ​യ​വും 4-1ന് ​പ​ര​മ്പര​യും സ്വ​ന്ത​മാ​ക്കി ടീം ഇന്ത്യ

ബം​ഗ​ളൂ​രു: ഓ​സ്ട്രേ​ലി​യ​യ്ക്കെ​തി​രാ​യ അ​ഞ്ചാം ട്വ​ന്‍റി-20​യി​ലും ഇ​ന്ത്യ​ക്ക്‌ വിജയ തിളക്കം. ആവേശകരമായ പോരാട്ടത്തിൽ അവസാന ഓവറിൽ ആറ് റൺസിനാണ് ഇന്ത്യൻ ജയം. 

അ​വ​സാ​ന ഓ​വ​റി​ൽ 10 റ​ൺ​സാ​യി​രു​ന്നു ഓ​സ്ട്രേ​ലി​യ​യ്ക്ക് ജ​യി​ക്കാ​ൻ വേ​ണ്ടി​യി​രു​ന്ന​ത്. ആ ​ഓ​വ​ർ എ​റി​ഞ്ഞ അ​ർ​ഷ​ദീ​പ് സിം​ഗ് മൂ​ന്ന് റ​ൺ​സ് വ​ഴ​ങ്ങി ഒ​രു വി​ക്ക​റ്റ് വീ​ഴ്ത്തി​യ​തോ​ടെ ഇ​ന്ത്യ ആ​വേ​ശ ജ​യ​വും 4-1ന് ​പ​ര​മ്പര​യും സ്വ​ന്ത​മാ​ക്കി.

ടോ​സ് നേ​ടി​യ ഓ​സ്ട്രേ​ലി​യ ബൗ​ളിം​ഗ് തെ​ര​ഞ്ഞെ​ടു​ക്കു​ക​യാ​യി​രു​ന്നു. ആദ്യം ബാറ്റ് ചെയ്ത ഇന്ത്യക്കായി 37 പ​ന്തി​ൽ ര​ണ്ട് സി​ക്സും അ​ഞ്ച് ഫോ​റും ഉ​ൾ​പ്പെ​ടെ 53 റ​ൺ​സ് നേ​ടി​യ ശ്രേ​യ​സ് അ​യ്യ​റി​ന്‍റെ ഇ​ന്നിം​ഗ്സാ​ണ് പോ​രാ​ടാ​നു​ള്ള സ്കോ​റി​ൽ എ​ത്തി​ച്ച​ത്. 

വി​ക്ക​റ്റ് കീ​പ്പ​ർ ബാ​റ്റ​റാ​യ ജി​തേ​ഷ് ശ​ർ​മ 16 പ​ന്തി​ൽ 24 റ​ൺ​സ് നേ​ടി. 21 പ​ന്തി​ൽ 31 റ​ൺ​സ് നേ​ടി​യ അ​ക്സ​ർ പ​ട്ടേ​ൽ, ശ്രേ​യ​സ് അ​യ്യ​റി​നൊ​പ്പം ആ​റാം വി​ക്ക​റ്റി​ൽ 46 റ​ൺ​സ് കൂ​ട്ടു​കെ​ട്ടു​ണ്ടാ​ക്കി. 

ഓ​സ്ട്രേ​ലി​യ​യ്ക്കു​വേ​ണ്ടി ഓ​പ്പ​ണ​ർ ട്രാ​വി​സ് ഹെ​ഡ് (18 പ​ന്തി​ൽ 28) സ്ഫോ​ട​നാ​ത്മ​ക തു​ട​ക്ക​മാ​ണ് കു​റി​ച്ച​ത്. ഹെ​ഡ്, ആ​രോ​ൺ ഹാ​ർ​ഡ്‌​ലി (ആറ്) എ​ന്നി​വ​രെ പു​റ​ത്താ​ക്കി ര​വി ബി​ഷ്ണോ​യ് ഓ​സ്ട്രേ​ലി​യ​യെ പ്ര​തി​രോ​ധ​ത്തി​ലാ​ക്കി. ബെ​ൻ മ​ക്ഡെ​ർ​മോ​ത്തി​ന്‍റെ (36 പ​ന്തി​ൽ 54) അ​ർ​ധ​സെ​ഞ്ചു​റി​ക്ക് ഓ​സ്ട്രേ​ലി​യ​യെ ജ​യ​ത്തി​ലെ​ത്തി​ക്കാ​ൻ സാ​ധി​ച്ചി​ല്ല.