ജെ​മീ​മ​യ്ക്ക് സെ​ഞ്ചു​റി, സ്മൃ​തി​ക്കും പ്ര​തി​ക​യ്ക്കും ഹ​ർ​ലീ​നും അ​ർ​ധ​സെ​ഞ്ചു​റി. അ​യ​ർ​ല​ൻ​ഡി​നെ 116 റ​ൺ​സിന് തകർത്ത് പരമ്പര സ്വന്തമാക്കി ഇന്ത്യൻ വനിതകൾ

രാ​ജ്കോ​ട്ട്: അ​യ​ർ​ല​ൻഡിനെ​തി​രാ​യ രണ്ടാം ഏകദിനത്തിലും ഇന്ത്യൻ വനിതകൾക്ക് തകർപ്പൻ ജയം. 116 റ​ൺ​സിന്റെ ഉജ്ജ്വല ജയത്തോടെ ഇന്ത്യ പ​ര​മ്പരയും സ്വ​ന്ത​മാ​ക്കി. 

ഇ​ന്ത്യ ഉ​യ​ർ​ത്തി​യ 371 റ​ൺ​സ് പി​ന്തു​ട​ർ​ന്ന അ​യ​ർ​ല​ൻഡിന്​ 254 റ​ൺ​സ് നേ​ടാ​നെ സാ​ധി​ച്ചു​ള്ളു. 80 റ​ൺ​സ് നേ​ടി​യ വി​ക്ക​റ്റ്കീ​പ്പ​ർ കോ​ൽ​ട്ടെ​ർ റെ​യ്‌​ലി​ക്കും 38 റ​ൺ​സെ​ടു​ത്ത സാ​റ ഫോ​ർ​ബ്സി​നും മാ​ത്ര​മാ​ണ് അ​യ​ർ​ല​ൻഡ് നി​ര​യി​ൽ തി​ള​ങ്ങാ​നാ​യ​ത്.

ഇ​ന്ത്യ​യ്ക്ക് വേ​ണ്ടി ദീ​പ്തി ശ​ർ​മ മൂ​ന്ന് വി​ക്ക​റ്റെ​ടു​ത്തു. പ്രി​യ മി​സ്ര ര​ണ്ടും ടൈ​റ്റ​സ് സാ​ധു​വും സ​യാ​ലി സ​ത്ഗ​രെ​യും ഓ​രോ വി​ക്ക​റ്റ് വീ​ത​വും വീ​ഴ്​ത്തി.

ആ​ദ്യം ബാ​റ്റ് ചെ​യ്ത ഇ​ന്ത്യ അ​ഞ്ച് വി​ക്ക​റ്റ് ന​ഷ്ട​ത്തി​ലാ​ണ് 370 റ​ൺ​സെ​ടു​ത്ത​ത്. വെ​ടി​ക്കെ​ട്ട് സെ​ഞ്ചു​റി നേ​ടി​യ ജെ​മീ​മ റോ​ഡ്രി​ഗ​സി​ന്‍റെ​യും (102) അ​ർ​ധ​സെ​ഞ്ചു​റി നേ​ടി​യ ഹ​ർ​ലീ​ൻ ഡി​യോ​ൾ (89), സ്മൃ​തി മ​ന്ഥാ​ന (73), പ്ര​തി​ക റാ​വ​ൽ (67) എ​ന്നി​വ​രു​ടെ ഇ​ന്നിം​ഗ്സു​ക​ളാ​ണ് ഇ​ന്ത്യ​യ്ക്ക് കൂ​റ്റ​ൻ സ്കോ​ർ‌ സ​മ്മാ​നി​ച്ച​ത്.

അ​യ​ർ​ല​ൻ​ഡി​നു വേ​ണ്ടി ഓ​ര്‍​ല പ്രെ​ന്‍​ഡ​ര്‍​ഗാ​സ്റ്റ്, എ​ർ​ലീ​ൻ കെ​ല്ലി എ​ന്നി​വ​ർ ര​ണ്ടു വി​ക്ക​റ്റ് വീ​ത​വും ജോ​ര്‍​ജി​ന ഡെം​പ്സി ഒ​രു വി​ക്ക​റ്റും വീ​ഴ്ത്തി. ബു​ധ​നാ​ഴ്ച​യാ​ണ് പ​ര​മ്പ​ര​യി​ലെ അ​വ​സാ​ന മ​ത്സ​രം.