ധരംശാല: ഇംഗ്ലണ്ടിനെതിരായ അഞ്ചാം ടെസ്റ്റില് ഇന്ത്യയ്ക്ക് തകര്പ്പന് ജയം. രണ്ടാം ഇന്നിംഗ്സില് ബാറ്റിംഗ് ആരംഭിച്ച ഇംഗ്ലണ്ട് കേവലം 195 റണ്സിന് ഓള്ഔട്ട് ആയി. ഇന്നിംഗ്സിനും 64 റണ്സിനുമാണ് ഇന്ത്യയുടെ വിജയം. ഇതോടെ പരമ്പര 4-1 ന് ഇന്ത്യ സ്വന്തമാക്കി.
100-ാം ടെസ്റ്റ് കളിക്കുന്ന അശ്വിന്റെ മികച്ച ബോളിംഗ് പ്രകടനത്തിനു മുന്നില് ഇംഗ്ലണ്ട് അസ്തമിക്കുകയായിരുന്നു. രണ്ടാം ഇന്നിംഗ്സില് അഞ്ച് വിക്കറ്റുകള് അശ്വിന് സ്വന്തമാക്കി. 84 റണ്സെടുത്ത മധ്യനിര ബാറ്ററായ ജോ റൂട്ട് മാത്രമാണ് ഇംഗ്ലണ്ട് നിരയില് തിളങ്ങിയത്.
അഞ്ചാം ടെസ്റ്റ് ആദ്യ ഇന്നിംഗ്സില് രോഹിത്തിന്റെയും ശുഭ്മാന് ഗില്ലിന്റെയും ശതകത്തിന്റെ മികവില് ഇന്ത്യ 477 റണ്സ് നേടിയിരുന്നു. ദേവ്ദത്ത് പടിക്കല്(65) സര്ഫറാസ് ഖാന്(56) ജയസ്വാള്(57) എന്നിവരും തിളങ്ങി.
ഒന്നാം ഇന്നിംഗ്സില് 218 റണ്സ് മാത്രമാണ് ഇംഗ്ലണ്ട് നേടിയത്. 259 റണ്സ് എന്ന ഒന്നാം ഇന്നിംഗ്സ് ലീഡ് മറികടക്കാന് ഇറങ്ങിയ ഇംഗ്ലണ്ട് 195ല് അവസാനിക്കുകയായിരുന്നു.