ബംഗ്ലാദേശിനെതിരായ രണ്ടാം ടെസ്റ്റും ജയിച്ചു കയറി, പരമ്പര സ്വന്തമാക്കി ഇന്ത്യ

കാൺപുർ: വിവാദങ്ങൾക്കിടയിലും ബംഗ്ലാദേശിനെതിരെ തകർപ്പൻ ജയവുമായി ഇന്ത്യ. രണ്ടാം ഇന്നിങ്ങ്‌സില്‍ ബംഗ്ലാദേശ് ഉയര്‍ത്തിയ 95 റണ്‍സ് എന്ന ലക്ഷ്യം 3 വിക്കറ്റ് നഷ്ടത്തില്‍ മറികടന്ന് ഇന്ത്യ പരമ്പര സ്വന്തമാക്കി.

ടെസ്റ്റിന്‌റെ രണ്ടാം സെഷനില്‍ വിജയം ലക്ഷ്യമാക്കി ഇറങ്ങിയ ഇന്ത്യക്ക് തുടക്കത്തില്‍ തന്നെ രോഹിത്തിനെ നഷ്ടമായി. 45 പന്തില്‍ 51 റണ്‍സ് എടുത്ത ജയ്‌സ്വാളും പുറത്താകാതെ 28 റണ്‍സെടുത്ത് കൊഹ്ലിയും ചേര്‍ന്ന് 18-ാം ഓവറില്‍ ഇന്ത്യയെ വിജയതീരത്തടുപ്പിച്ചു.

ആദ്യ മൂന്ന് ദിവസങ്ങളില്‍ മഴ കാരണം കളി തടസപ്പെട്ടിരുന്നു. അതിനുശേഷം ബേസ്‌ബോള്‍ ശൈലിയില്‍ കളിച്ചാണ് ഇന്ത്യ വിജയം നേടിയത്. 2 വിക്കറ്റ് നഷ്ടത്തില്‍ 26 റണ്‍സ് എന്ന് നിലയില്‍ ഇന്ന് കളി ആരംഭിച്ച ബംഗ്ലാദേശ് ആദ്യ സെഷനില്‍ തന്നെ 146 റണ്‍സിന് ഓള്‍ഔട്ടായി.

ഇന്ത്യക്കായി ബുമ്ര, അശ്വിന്‍, ജഡേജ, എന്നിവര്‍ മൂന്ന് വിക്കറ്റ് വീതം വീഴ്ത്തി. ആകാശ് ദീപ ഒരു വിക്കറ്റും വീഴ്ത്തി.