രോഹിത് ശർമയുടെ ​ഗംഭീര തിരിച്ചുവരവ്, ഒപ്പം സൂര്യയുടെ അർധ സെഞ്ചുറിയും. ചെ​ന്നൈ​ക്കെ​തി​രേ മും​ബൈ​ ഇന്ത്യൻസിന് 9 വിക്കറ്റ് ജ​യം

മും​ബൈ: ഐ​പി​എ​ല്ലി​ൽ ചെ​ന്നൈ സൂ​പ്പ​ർ കിം​ഗ്സി​നെ​തി​രേ മും​ബൈ ഇ​ന്ത്യ​ൻ​സി​ന് ത​ക​ർ​പ്പ​ൻ ജ​യം. ഒ​മ്പ​ത് വി​ക്ക​റ്റി​ന്‍റെ വമ്പൻ ജ​യ​മാ​ണ് മും​ബൈ സ്വ​ന്ത​മാ​ക്കി​യ​ത്.

ആ​ദ്യം ബാ​റ്റു​ചെ​യ്ത ചെ​ന്നൈ ഉ​യ​ർ​ത്തി​യ 176 റ​ൺ​സ് 15.4 ഓ​വ​റി​ൽ മും​ബൈ മ​റി​ക​ട​ന്നു. 177 റ​ൺ​സാ​ണ് മും​ബൈ അ​ടി​ച്ചെ​ടു​ത്ത​ത്.

സൂ​ര്യ​കു​മാ​ർ യാ​ദ​വി​ന്‍റെ​യും രോ​ഹി​ത് ശ​ർ​മ​യു​ടെ​യും അ​ർ​ധ സെ​ഞ്ചു​റി​യു​ടെ ക​രു​ത്തി​ലാ​ണ് മും​ബൈ നി​ഷ്പ്ര​യാ​സം വി​ജ​യ​ല​ക്ഷ്യം മ​റി​ക​ട​ന്ന​ത്.

45 പ​ന്തി​ൽ 76 റ​ൺ​സ് എ​ടു​ത്ത രോ​ഹി​ത് ശ​ർ​മ​യാ​ണ് മും​ബൈ​യു​ടെ ടോ​പ് സ്കോ​റ​ർ. നാ​ല് ബൗ​ണ്ട​റി​യും ആ​റ് സി​ക്സും അ​ട​ങ്ങു​ന്ന​താ​യി​രു​ന്നു രോ​ഹി​തി​ന്‍റെ ഇ​ന്നിം​ഗ്സ്.

30 പ​ന്തി​ൽ ആ​റ് ബൗ​ണ്ട​റി​യും അ​ഞ്ച് സി​ക്സും അ​ട​ക്കം 68 റ​ൺ​സ് എ​ടു​ത്ത് സൂ​ര്യ​കു​മാ​ർ യാ​ദ​വ് പു​റ​ത്താ​കാ​തെനിന്നതോടെ ചെ​ന്നൈ​യു​ടെ സ്കോ​ർ മ​റി​ക​ട​ന്നു. 19 പ​ന്തി​ൽ 24 റ​ൺ​സ് എ​ടു​ത്ത് റ​യാ​ൻ റി​ക്കെ​ൽ​ട്ട​ണും മും​ബൈ​ക്കാ​യി തി​ള​ങ്ങി.

ചെ​ന്നൈ​ക്കാ​യി ര​വീ​ന്ദ്ര ജ​ഡേ​ജ​യാ​ണ് 6.4 ഓ​വ​റി​ൽ സ്കോ​ർ 63 ൽ ​നി​ൽ​ക്കെ റ​യാ​ൻ റി​ക്കെ​ൽ​ട്ട​ന്‍റെ വി​ക്ക​റ്റെ​ടു​ത്ത​ത്.