പാക്കിസ്ഥാനെതിരായ ടെസ്റ്റില്‍ ചരിത്രം രചിച്ച് ഇംഗ്ലണ്ട് താരം ജോ റൂട്ട്; ഈ റെക്കോര്‍ഡ് നേടുന്ന ആദ്യ ക്രിക്കറ്റർ

മുള്‍ട്ടാൻ: പാക്കിസ്ഥാനെതിരായ ടെസ്റ്റില്‍ ചരിത്രം രചിച്ച് ഇംഗ്ലണ്ട് താരം ജോ റൂട്ട്. പാക്കിസ്ഥാനിലെ മുള്‍ട്ടാനില്‍ നടക്കുന്ന ടെസ്റ്റിന്റെ രണ്ടാം ദിവസമായിരുന്നു റെക്കോര്‍ഡ്. ലോക ടെസ്റ്റ് ചാമ്പ്യന്‍ഷിപ്പില്‍ 5000 റണ്‍സ് നേടുന്ന ആദ്യ താരമായിരിക്കുകയാണ് റൂട്ട്.

റെക്കോര്‍ഡിലെത്താന്‍ റൂട്ടിന് 27 റണ്‍സ് ആയിരുന്നു വേണ്ടത്. 129 ബോളില്‍ 79 റണ്‍സ് അദ്ദേഹം നേടി. ഇപ്പോള്‍ 5052 റണ്‍സുണ്ട്.

59 മത്സരങ്ങളില്‍ നിന്നാണ് ഈ നേട്ടമെന്നതും ശ്രദ്ധേയമാണ്. 3904 റണ്‍സുമായി ഓസ്‌ട്രേലിയയുടെ മാര്‍നസ് ലബുഷെയ്‌നാണ് രണ്ടാമത്. 3484 റണ്‍സുള്ള സ്റ്റീവ് സ്മിത്ത് ആണ് മൂന്നാമത്.