സഞ്ജു ഇല്ല, സച്ചിന്‍ ബേബി നയിക്കും; രഞ്ജി ട്രോഫി കേരള ടീമിനെ പ്രഖ്യാപിച്ചു

തിരുവനന്തപുരം: രഞ്ജി ട്രോഫി പുതിയ സീസണിലെ ആദ്യ പോരാട്ടത്തിനുള്ള കേരള ക്രിക്കറ്റ് ടീമിനെ പ്രഖ്യാപിച്ചു. സച്ചിന്‍ ബേബി ടീമിനെ നയിക്കും. ഈ മാസം 11ന് പഞ്ചാബിനെതിരെയാണ് സീസണിലെ കേരളത്തിന്റെ ആദ്യ പോരാട്ടം.

ആദ്യ മത്സരത്തിലേക്ക് സഞ്ജു സാംസണെ പരിഗണിച്ചില്ല. താരം നിലവില്‍ ബംഗ്ലാദേശിനെതിരായ ടി20 പരമ്പരയ്ക്കുള്ള ഇന്ത്യന്‍ ക്യാംപിലാണ്. ഇന്ത്യയുടെ പ്രധാന വിക്കറ്റ് കീപ്പര്‍ ബാറ്റര്‍ റോള്‍ ഇത്തവണ സഞ്ജുവിനാണ്.

കേരള ടീം: സച്ചിന്‍ ബേബി (ക്യാപ്റ്റന്‍), രോഹന്‍ കുന്നുമ്മല്‍, കൃഷ്ണ പ്രസാദ്, ബാബ അപരാജിത്, അക്ഷയ് ചന്ദ്രന്‍, മുഹമ്മദ് അസ്ഹറുദ്ദീന്‍, സല്‍മാന്‍ നിസാര്‍, വത്സല്‍ ഗോവിന്ദ് ശര്‍മ, വിഷ്ണു വിനോദ്, ജലജ് സക്‌സേന, ആദിത്യ സാര്‍വതെ, ബേസില്‍ തമ്പി, എംഡി നിധീഷ്, കെഎം ആസിഫ്, ഫനൂസ്.