'ലോകകപ്പിൽ രോഹിത് ശർമ തിളങ്ങും, റൺ വേട്ടയിലും ഹിറ്റ്മാൻ മിന്നിലെത്തും'! പ്രവചനവുമായി സെവാഗ്

ഡല്‍ഹി: വരാനിരിക്കുന്ന ലോകകപ്പ് മത്സരങ്ങളിൽ ഇന്ത്യൻ നായകൻ രോഹിത് ശർമ മികച്ച പ്രകടനം കാഴ്ചവെക്കുമെന്ന് മുൻ താരം വീരേന്ദർ സെവാ​ഗ്. റൺവേട്ടയിൽ ഒന്നാമനായി രോഹിത് ഫിനിഷ് ചെയ്യുമെന്നാണ് സെവാഗിന്റെ പ്രവചനം. 

ലോകകപ്പിൽ ആരായിരിക്കും ഏറ്റവും കൂടുതല്‍ റണ്‍സെടുക്കുക എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. ലിസ്റ്റിൽ മറ്റൊരാൾ കൂടി ഉണ്ടെങ്കിലും ഇന്ത്യക്കാരന്‍ എന്ന നിലയില്‍ താൻ രോഹിതിനെ തെരഞ്ഞെടുക്കുന്നുവെന്നും സെവാ​ഗ് പറഞ്ഞു. 

2019 ലോകകപ്പില്‍ 9 മത്സരങ്ങളിൽ നിന്ന് 81 റണ്‍സ് ശരാശരിയിൽ 648 റൺസാണ് രോഹിത് നേടിയത്. അഞ്ച് സെഞ്ച്വറികളും കണ്ടെത്തിയിരുന്നു. ഈ വർഷം നടന്ന എല്ലാ ഫോർമാറ്റിലും മികച്ച ഫോമിലാണ് രോഹിത്.