Middle East & Gulf

ഒന്നര വര്‍ഷത്തിലേറെയായി കുവൈറ്റിന് പുറത്ത്‌; പ്രവാസി അധ്യാപകര്‍ കുവൈറ്റിലേക്ക് തിരിച്ചെത്തുന്നു

ന്യൂസ് ബ്യൂറോ, കുവൈറ്റ്
Friday, August 6, 2021

കുവൈറ്റ് സിറ്റി: കൊവിഡ് വ്യാപനം മൂലം സ്വദേശത്ത് കുടുങ്ങിയ രണ്ടായിരത്തോളം പ്രവാസി അധ്യാപകര്‍ ഉടന്‍ കുവൈറ്റിലേക്ക് തിരിച്ചെത്തി തുടങ്ങുമെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് പ്രാദേശികപത്രം റിപ്പോര്‍ട്ട് ചെയ്തു. പല അധ്യാപകരും ഒന്നര വര്‍ഷത്തിലേറെയായി കുവൈറ്റിന് പുറത്താണ്.

വിദേശത്ത് ആയിരിക്കുമ്പോൾ റെസിഡൻസി പെർമിറ്റ് കാലഹരണപ്പെട്ടവർക്ക് എൻട്രി വിസ അനുവദിക്കുന്നതിനും അവരുടെ വരവിനുള്ള നടപടിക്രമങ്ങൾ ക്രമീകരിക്കുന്നതിനും കുടുങ്ങിക്കിടക്കുന്ന അധ്യാപകരെക്കുറിച്ചുള്ള മുഴുവൻ വിശദാംശങ്ങളും വിദ്യാഭ്യാസ മന്ത്രാലയം നേരത്തെ ആഭ്യന്തര മന്ത്രാലയത്തിന്‌ നൽകിയിരുന്നു.

കുടുങ്ങിക്കിടക്കുന്ന അധ്യാപകർ ഔദ്യോഗിക വെബ്സൈറ്റിൽ രജിസ്റ്റർ ചെയ്യുന്നതിന്‌ വിദ്യാഭ്യാസ മന്ത്രാലയം പ്രത്യേക ലിങ്ക് ആരംഭിച്ചിരുന്നതായും 1620 ൽ അധികം അധ്യാപകർ ജൂലൈ പകുതി വരെ രജിസ്റ്റർ ചെയ്തിട്ടുണ്ടെന്നും വൃത്തങ്ങൾ അറിയിച്ചു.

ഏകദേശം 650 അധ്യാപകരുടെ ഡാറ്റ വിദ്യാഭ്യാസ മന്ത്രാലയം അവലോകനം ചെയ്തു. അവരുടെ വിസ വിതരണം ഓഗസ്റ്റ് പകുതിയോടെ ആരംഭിക്കും. രജിസ്റ്റർ ചെയ്ത മറ്റ് അധ്യാപകർക്കുള്ള നടപടിക്രമങ്ങളും സമയബന്ധിതമായി പൂര്‍ത്തിയാക്കും.

×