തെലുങ്ക് ബംബർ ഹിറ്റ് ചിത്രം 'ക്രാക്ക്' മലയാളത്തിൽ !

സംക്രാന്തി പ്രമാണിച്ചു തെലുങ്കിൽ പ്രദർശനത്തിനെത്തിയ 'ക്രാക്ക്' എന്ന സിനിമ വൻ വിജയം നേടി കൊറോണക്ക് ശേഷം തെലുങ്ക് സിനിമാ വേദിക്ക് ഉണർവേകിയിരിക്കുന്നൂ. ഒരു സംഭവ കഥയുടെ പാശ്ചാത്തലത്തിലുള്ള പ്രമേയമത്രെ ക്രാക്കിൻ്റേത്.

മാസ്സും ക്ലാസ്സും സമ്മിശ്രമായ എൻ്റർടൈനറാണ് സിനിമ. 'മാസ്സ് മഹാരാജാ' എന്ന് ആരാധകർ വിശേഷിപ്പിക്കുന്ന രവി തേജയാണ് ഗോപിചന്ദ് മലിനേനി രചനയും സംവിധാനവും നിർവഹിച്ച 'ക്രാക്കി'ലെ നായകൻ. ശ്രുതി ഹാസനാണ് നായിക.

തമിഴിലെ അഭിനേതാക്കളായ വരലക്ഷ്മി ശരത്കുമാർ, സമുദ്രക്കനി, സ്റ്റണ്ട് ശിവ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നവർ.

സരസ്വതി ഫിലിം ഡിവിഷൻ്റെ ബാനറിൽ കെ. മധു നിർമ്മിച്ച 'ക്രാക്ക്' ഫെബ്രുവരി ആദ്യ വാരം മലയാളം, തമിഴ് ഭാഷകളിൽ കേരളത്തിൽ പ്രദർശനത്തിന് എത്തും.

പല മാസങ്ങൾക്ക് ശേഷം തിയറ്ററുകളിൽ ഉത്സവ പ്രതീതി സൃഷ്ടിക്കാനും ബംബർ ഹിറ്റടിച്ച് തെലുങ്കിലെ പല മുൻനിര നായകന്മാരടേയും കളക്ഷൻ റെക്കോഡുകൾ തകർക്കാനും ഈ ചിത്രത്തിന് കഴിഞ്ഞു എന്നതും ശ്രദ്ധേയമാണ്. തിയറ്ററിൽ ഇപ്പോഴും തിരക്കേറികൊണ്ടിരിക്കുന്നതിനാൽ ചിത്രത്തിൻ്റെ ഒടിടി റിലീസിങ് നീട്ടി വെച്ചതായും നിർമ്മാതാവ് പറഞ്ഞു.

# സി. കെ. അജയ് കുമാർ, പി ആർ ഒ