ദമാം, ഖത്തീഫ്, തായ്‌ഫ് എന്നീ ഗവർണറേറ്റുകളിൽ കർഫ്യൂ സമയം നീട്ടി വൈകീട്ട് മൂന്ന് മുതല്‍ .

റിയാദ്: കൊറോണ വ്യാപനം തടയുന്നതിന്റെ ഭാഗമായി , ദമാം, ഖത്തീഫ് , തായ്‌ഫ് എന്നീ ഗവർണറേറ്റുകളിൽ കർഫ്യൂ സമയം നീട്ടിയാതായി ആഭ്യന്തര മന്ത്രാലയം വ്യക്തമാക്കി. വൈകിട്ട് മൂന്നു മുതൽ രാവിലെ ആറുവരെയാണ് പുതിയ കർഫ്യൂ സമയം പ്രഖ്യാപിച്ചിരിക്കുന്നത്. ഇന്ന് മുതൽ പുതിയ കർഫ്യൂ സമയം നിലവിൽ വന്നു

മുൻപ് പ്രഖ്യാപിച്ചിരുന്ന സമയ ക്രമം വൈകിട്ട് ഏഴു മുതൽ രാവിലെ ആറു വരെയായിരുന്നു. ഒഴിവാക്കപ്പെട്ട അടിയന്തിര ആവശ്യങ്ങൾക്കല്ലാതെ ഈ സമയം മുതൽ പുറത്തിറങ്ങുന്നത് വിലക്കിയിട്ടുണ്ട്. കർഫ്യൂ ലംഘിച്ചാൽ കനത്ത പിഴയും ശിക്ഷയും ലഭിക്കുമെന്നും ആഭ്യന്തര മന്ത്രാലയം അറിയിച്ചു. ഇതോടെ കര്‍ഫ്യൂ സമയം പതിനഞ്ചു മണിക്കൂര്‍ ആയി.