കൽപ്പറ്റ: വൈദ്യുതി പോലുമെത്താത്ത മേപ്പാടി വെള്ളപ്പൻകണ്ടിയിലെ കുട്ടികൾക്ക് ഇത്രയുംനാൾ ഓൺലൈൻ പഠനം നടക്കാത്ത ഒരു സ്വപ്നമായിരുന്നു. സഹജീവികളെ ചേർത്തു പിടിക്കുന്ന ഒരു കൂട്ടമാളുകൾ ആ സ്വപ്നം ഇപ്പോൾ യാഥാർഥ്യമാക്കിയിരിക്കുന്നു. അതിനു മുന്നിൽ നിന്നത് കല്പറ്റ എംഎൽഎ അഡ്വ. ടി സിദ്ധിഖും. ആ സ്വപ്നത്തിന്റെ ഉദ്ഘാടനമാണ് നാളെ (വ്യാഴം).
മേപ്പാടി ഗ്രാമപഞ്ചായത്തിലെ കള്ളാടി പ്രദേശത്ത് എട്ടാം വാര്‍ഡില്‍ പശ്ചിമഘട്ട മലനിരകളിലെ നിബിഡ വനമേഖലയില്‍പ്പെടുന്ന സ്ഥലമാണ് വെള്ളപ്പൻകണ്ടി. മേപ്പാടി ടൗണില്‍ നിന്നും ചൂരല്‍മല റോഡിലൂടെ 10 കിലോ മീറ്ററോളം റോഡും വനപാതകളും നടവഴികളും താണ്ടിയാല്‍ മാത്രം എത്തിച്ചേരാവുന്ന വന ഗ്രാമം.
ഈ പ്രദേശം ഇന്ന് ഒരു ഗോത്രവര്‍ഗ്ഗ കോളനിയാണ്. മുത്തങ്ങ ഭൂസമരത്തില്‍ പങ്കെടുത്ത ഭൂരഹിതരായ ആദിവാസി കുടുംബങ്ങളെ അധിവസിപ്പിക്കാനായി നല്‍കിയ പ്രദേശമാണ് വെള്ളപ്പന്‍കണ്ടി കോളനിയായി മാറിയത്.
പ്രകൃതി അതിന്റെ സൗന്ദര്യം കലവറയില്ലാതെ പതിച്ച് നല്‍കിയ സുന്ദരമായ കാഴ്ചകളും സുഖകരമായ കാലാവസ്ഥയുമുള്ള സ്ഥലം. എന്നാല്‍ അടിസ്ഥാന സൗകര്യങ്ങളുടെ വികസനങ്ങൾക്ക് ഇനിയും നാന്ദിക്കുറിക്കപ്പെട്ടിട്ടുപോലുമില്ല, ഈ പ്രദേശത്ത്.
ഇതിനോടകം ഇവിടേക്ക് മാറ്റി താമസിപ്പിച്ചിരിക്കുന്നത് 17 കുടുംബങ്ങളെയാണ്. അദ്ധ്യയനം ആരംഭിച്ച് മാസം ഒന്നു കഴിഞ്ഞിട്ടും ഓണ്‍ലൈന്‍ പഠനത്തിന് ടി.വി യും വൈദ്യുതിയും കേബിള്‍ കണക്ഷനും മറ്റു സംവിധാനങ്ങളുമൊന്നും ഇവിടെ ഉണ്ടായിരുന്നില്ല.
ഐ.റ്റി.ടി.പി ഓഫീസര്‍ ശ്രീ ചെറിയാനാണ് ഈ വിഷയം ആദ്യമായി ടി സിദ്ധിഖ് എം.എല്‍.എയുടെ ശ്രദ്ധയില്‍പ്പെടുത്തുന്നത്. വിഷയത്തിന്റെ ഗൗരവം മനസ്സിലാക്കി എം.എല്‍.എ അടിയന്തിരമായി ഇടപെട്ടു. എം എൽ എ ഹെല്‍പ് ഡെസ്‌ക്ക് ഇതിന് ആവശ്യമായ സാമഗ്രികൾ സമാഹരിച്ചു. സ്മാർട്ട് ടി.വി, സോളാര്‍ സിസ്റ്റം, ഡിഷ് ടി.വി മറ്റു അനുബന്ധ സൗകര്യങ്ങളെല്ലാം ഹെല്‍പ്‌ഡെസ്‌ക്ക് ക്രമീകരിച്ചു.
കോളേജ് അധ്യാപക സംഘടന കെ.പി.സി.ടി.എ.യുടെ മുട്ടില്‍ ഡബ്ല്യു.എം ഒ കോളേജ് യൂണിറ്റ് ഈ സംരഭത്തിന് ആവശ്യമായ സോളാര്‍ സംവിധാനം ഒരുക്കുവാന്‍ സന്നദ്ധരായി. എം എൽ എ യുടെ പ്രവാസി സുഹൃത് LED ടെലിവിഷനും കല്‍പ്പറ്റ റോട്ടറി ക്ലബ്ബ് ഡിഷ് ടി.വിയും നൽകി.
അതോടെ, വെള്ളപ്പന്‍കണ്ടിയില്‍ ഡിജിറ്റല്‍ പഠനമുറി എന്ന സ്വപ്നം യാഥാർത്ഥ്യമായി. നാളെ രാവിലെ 11.30 ന് കൽപ്പറ്റ എം.എൽ എ അഡ്വ. .ടി. സിദ്ധിഖ്, മേപ്പാടി ഗ്രാമപഞ്ചായത്ത് പ്രസിഡന്റ് ശ്രീമതി ഓമന രമേശ്, ഐ.റ്റി.ടി.പി.ജില്ലാ ഓഫീസർ ശ്രീ.ചെറിയാൻ എന്നിവരും മറ്റ് ജനപ്രതിനിധികളും പൊതുപ്രവര്‍ത്തകരും പങ്കെടുക്കുന്ന ചടങ്ങിൽ, അറിവിന്റെ വാതായനങ്ങള്‍ വെള്ളപ്പന്‍കണ്ടിയിൽ തുറക്കപ്പെടും. വെളിച്ചത്തിന്റെ ചിറകിൽ അവർ പുതിയ ആകാശം കാണും.
കൊച്ചി: മഹീന്ദ്ര ഗ്രൂപ്പിന്‍റെ ഭാഗമായ മഹീന്ദ്രയുടെ ട്രക്ക് ആന്‍റ് ബസ് ഡിവിഷന്‍ (എംടിബി) തങ്ങളുടെ ബിഎസ്6 ശ്രേണിയില്‍ മുഴുവനായി ‘കൂടുതല്‍ മൈലേജ് നേടുക അല്ലെങ്കില്‍ ട്രക്ക് തിരികെ നല്‍കുക’ എന്ന നവീനവും മാറ്റങ്ങള്‍ വരുത്തുന്നതുമായ മൂല്യവര്‍ധനവ് ഉപഭോക്താക്കള്‍ക്കായി പ്രഖ്യാപിച്ചു. ബ്ലാസോ എക്സ് ഹെവി, ഫ്യൂരിയോ ഇന്‍റര്‍മീഡിയറ്റ്, ഫ്യൂരിയോ7, ജയോ എന്നിവയുള്‍പ്പെടെയുള്ള ലൈറ്റ് കമേഴ്സ്യല്‍ വാഹനങ്ങള്‍ തുടങ്ങിയവയെല്ലാം ഇതില്‍ ഉള്‍പ്പെട്ടിട്ടുണ്ട്. ഫ്യൂഎല്‍ സ്മാര്‍ട്ട് ടെക്നോളജിക്കൊപ്പം തെളിയിക്കപ്പെട്ട 7.2 ലിറ്റര്‍ എംപവര്‍ എഞ്ചില്‍ (എച്ച്സിവികള്‍), എംഡിഐ ടെക് എഞ്ചിന്‍ (ഐഎല്‍സിവി), […]
ഹൈദരാബാദ്: മരുമകന് ഗംഭീര സ്വീകരണം നല്‍കുന്നത് പല ഇന്ത്യന്‍ കുടുംബങ്ങളിലും പതിവാണ്. ഇവിടെ ഭാവി മരുമകന് 365 കൂട്ടം വ്യത്യസ്ഥ തരം ഭക്ഷണമൊരുക്കി സോഷ്യല്‍മീഡിയയില്‍ വൈറലായിരിക്കുകയാണ് ആന്ധ്രാപ്രദേശില്‍ നിന്നുള്ള ഒരു കുടുംബം. മകര സംക്രാന്തി ദിനത്തിലാണ് പെണ്‍കുട്ടിയുെട കുടുംബം ഭാവി മരുമകന് ഭക്ഷണത്തിന്റെ സമ്പൂര്‍ണ്ണ കലവറ തന്നെ ഒരുക്കിയത്. 365 ഭക്ഷണ ഇനങ്ങള്‍ ഉള്‍പ്പെടുന്ന ഒരു രാജകീയ വിരുന്നാണ് കുടുംബം തങ്ങളുടെ മകളെ വിവാഹം കഴിക്കാന്‍ പോകുന്ന പയ്യനായി ഒരുക്കിയത്. പടിഞ്ഞാറന്‍ ഗോദാവരിയിലെ നര്‍സാപുരത്ത് നിന്നുള്ള സ്വര്‍ണ്ണ […]
തിരുവനന്തപുരം: വാവ സുരേഷ് സഞ്ചരിച്ച കാർ മറ്റൊരു കാറുമായി കൂട്ടിയിടിച്ച് അപകടം. തിരുവനന്തപുരം പോത്തൻകോട്ടായിരുന്നു സംഭവം. ഇദ്ദേഹത്തെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. വാവ സുരേഷിന്റെ ഡ്രൈവർക്കും പരിക്കേറ്റിട്ടുണ്ട്. പോത്തൻകോട്ട് നിന്ന് ശ്രീകാര്യത്തേക്ക് പോകുകയായിരുന്ന വാവ സുരേഷ് സഞ്ചരിച്ചിരുന്ന കാറിൽ ശ്രീകാര്യം ഭാഗത്ത് നിന്ന് വന്ന കാർ ഇടിച്ചുകയറുകയായിരുന്നു. ഈ കാറിൽ രണ്ടു സ്ത്രീകളും നവജാത ശിശുവും ഡ്രൈവർ ഉൾപ്പെടെ രണ്ട് പുരുഷൻമാരുമാണ് ഉണ്ടായിരുന്നത്. ഇവര്‍ക്ക് പരിക്കുണ്ടെന്നാണ് വിവരം.
കൊച്ചി: മലയാളി പ്രേക്ഷകരുടെ ഹൃദയം കവര്‍ന്ന മിനിസ്‌ക്രീന്‍ സുപ്പര്‍സ്റ്റാഴ്‌സ് നിഷ സാരംഗും ബിജു സോപാനവും ഒരു ഇടവേളയ്ക്കു ശേഷം വീണ്ടും തീരിച്ചെത്തിയിരിക്കുകയാണ്. ജനപ്രിയ വിനോദ ചാനല്‍ സീ കേരളം ഇന്നു മുതല്‍ അവതരിപ്പിക്കുന്ന എരിവും പുളിയും എന്ന പുത്തന്‍ പരമ്പരയിലൂടെയാണ് കിടിലന്‍ മേക്ക് ഓവറിലൂടെ ഈ ഓൺസ്ക്രീൻ കുടുംബത്തിന്റെ തിരിച്ചുവരവ്. തമാശകളുടെ രസക്കൂട്ടില്‍ ചാലിച്ച് പുതുപുത്തന്‍ സ്‌റ്റൈലില്‍ ഒരുക്കുന്ന എരിവും പുളിയും പ്രമേയത്തിലെ വ്യത്യസ്തത കൊണ്ട് വേറിട്ടു നില്‍ക്കുന്ന വിനോദ അനുഭവമാകും എന്നത് ഉറപ്പാണ്. പ്രേക്ഷകരെ […]
തിരുവനന്തപുരം: കേരളത്തിന്റെ ക്രമസമാധാനനില പൂർണമായി തകർന്നിരിക്കുകയാണെന്നും ഗുണ്ടകളുടെ ഔദാര്യത്തിലാണ് ജനജീവിതം മുന്നോട്ടു പോകുന്നതെന്നും വെൽഫെയർ പാർട്ടി സംസ്ഥാന ജനറൽ സെക്രട്ടറി കെ.എ ഷഫീഖ് പറഞ്ഞു. പോലീസും ഭരണകൂടവും നോക്കി നിൽക്കുകയാണ് കേരളത്തിൽ വ്യാപകമായി ഗുണ്ടാവിളയാട്ടം നടക്കുന്നത്. കേരളത്തിലെ ഗുണ്ടകളെ നിയന്ത്രിക്കുന്നതിനുവേണ്ടി ‘ഓപ്പറേഷൻ കാവൽ’ എന്ന പേരിൽ നടത്തിക്കൊണ്ടിരിക്കുന്ന പോലീസ് പദ്ധതി തികഞ്ഞ പരാജയമാണ്. യഥാർത്ഥ പ്രതികളെ കണ്ടെത്തുന്നതിനു പകരം പൊതു പ്രവർത്തനം നടത്തുന്ന വ്യക്തികളെയും ജനകീയ സമരങ്ങൾക്ക് നേതൃത്വം നൽകുന്നവരെയും തിരഞ്ഞു പിടിച്ചു അറസ്റ്റ് ചെയ്യുകയും ഭീഷണിപ്പെടുത്തുകയും […]
തിരുവനന്തപുരം: സംസ്ഥാനത്ത് ഗുണ്ടാ ആക്രമണം എന്ന് വിളിച്ച് കൂവുന്ന കോൺഗ്രസ് നേതാക്കൾ ഇടുക്കിയിൽ കൊല്ലപ്പെട്ട എസ്എഫ്‌ഐ പ്രവര്‍ത്തകന്‍ ധീരജിന്റെ അമ്മയുടെയും കണ്ണുനീർ കാണണമെന്ന് ഡിവൈഎഫ്‌ഐ നേതാവ് എ.എ. റഹീം. ഫേസ്ബുക്ക് പോസ്റ്റിലൂടെയായിരുന്നു റഹീം കോണ്‍ഗ്രസിനെ വിമര്‍ശിച്ചത്. ഫേസ്ബുക്ക് പോസ്റ്റ്… സംസ്ഥാനത്ത് ഗുണ്ടാ ആക്രമണം എന്നാണ് വി ഡി സതീശൻ മുതൽ യൂത്ത് കോൺഗ്രസ്സ് നേതാക്കൾ വരെ ഇന്ന് വിളിച്ചു കൂവുന്നത്.കോട്ടയത്ത് ഗുണ്ടാ തലവൻ കൊലപ്പെടുത്തിയ ചെറുപ്പക്കാരന്റെ അമ്മയുടെ ദൃശ്യങ്ങളാണ് വൈകാരികമായി ഇവരൊക്കെയും ഉപയോഗിച്ച് കണ്ടത്.ഗുണ്ടാ സംഘങ്ങളെ നിയമം […]
മലമ്പുഴ: കുളിക്കുന്നതിനിടെ വാരണി പുഴയിൽ അകപ്പെട്ട രണ്ടു സ്ത്രീകളെയും, കുഞ്ഞിനെയും രക്ഷിച്ച കുട്ടികളുടെ വീട്ടിലെത്തി എ.പ്രഭാകരൻ എം.എൽ.എ ആദരിച്ചു. വൈകീട്ട് അഞ്ചിന് വാരണി അക്കരകാട്ടിലെത്തിയ എ. പ്രഭാകരൻ എം.എൽ.എയും, കേരള ബാങ്ക് മാനേജർ പ്രീത കെ മേനോനും ചേർന്ന് കുട്ടികൾക്ക് സമ്മാനം നൽകി. പഞ്ചായത്ത് സ്ഥിരം സമിതി അധ്യക്ഷൻ ബി. ബിനോയി, കല്ലേപുള്ളി ശാഖ മാനേജർ വിനോദ് എന്നിവരും കുട്ടികളെ അനുമോദിച്ചു. നേരത്തെ മലമ്പുഴ പോലീസും കുട്ടികളെ സമ്മാനം നൽകി അനുമോദിച്ചിരുന്നു.
തിരുവനന്തപുരം: സംസ്ഥാന സര്‍ക്കാരിനെതിരെ അതിരൂക്ഷ വിമര്‍ശനവുമായി കെ.പി.സി.സി. അധ്യക്ഷനും എം.പിയുമായ കെ. സുധാകരന്‍. കോട്ടയത്ത് 19 കാരനെ കൊലപ്പെടുത്തി പോലീസ് സ്‌റ്റേഷനു മുന്നില്‍ ഉപേക്ഷിച്ച സംഭവത്തിന്റെ പശ്ചാത്തലത്തിലാണ് ഫേസ്ബുക്ക് കുറിപ്പിലൂടെയുള്ള അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ് ഇങ്ങനെ… ഇതെത്രാമത്തെ പ്രാവശ്യമാണ് കേരളത്തിൽ ഒരു ആഭ്യന്തര മന്ത്രിയുണ്ടോ എന്ന് ചോദിക്കേണ്ടി വരുന്നത്! 19 വയസ്സുള്ള കൗമാരക്കാരനെ തല്ലിക്കൊന്ന് പോലീസ് സ്റ്റേഷനിൽ കൊണ്ടിടുന്ന ഗുണ്ടകളുള്ള നാടായി കേരളത്തെ പിണറായി വിജയൻ്റെ ഭരണം “വളർത്തി “യിരിക്കുന്നു. ഷാൻ എന്ന ആ ചെറുപ്പക്കാരനെ […]
തൃശൂർ: ജില്ലയിൽ ടി പി ആർ ഉയർന്നുനിൽക്കുന്ന സാഹചര്യത്തിൽ നാളെ (ജനുവരി 18) നടത്താനിരുന്ന കേരള സംസ്ഥാന ജൈവവൈവിധ്യ ബോർഡിന്റെ ജില്ലാതല ബി.എം.സി ട്രെയിനിംഗ് മറ്റൊരു ദിവസത്തേക്ക് മാറ്റി വെച്ചതായി ജില്ലാ പഞ്ചായത്ത് പ്രസിഡന്റ് പി.കെ.ഡേവീസ് മാസ്റ്ററും തൃശൂർ ജില്ലാ കോർഡിനേറ്റർ ഫെബിൻ ഫ്രാൻസിസും അറിയിച്ചു.
മലപ്പുറം: മാറാക്കരയില്‍ വളര്‍ത്തുപൂച്ചയുടെ ചങ്ങല കഴുത്തില്‍ കുരുങ്ങി പത്ത് വയസുകാരന് മരിച്ചു. കാടാമ്പുഴ കുട്ടാട്ടുമ്മല്‍ മലയില്‍ അഫ്നാനാണ് മരിച്ചത്. തിങ്കളാഴ്ച ഉച്ചയോടെയാണ് സംഭവം. ചങ്ങല കളിക്കാന്‍ എടുക്കുന്നതിനിടെ അബദ്ധത്തില്‍ കഴുത്തില്‍ കുടുങ്ങുകയായിരുന്നുവെന്നാണ് റിപ്പോര്‍ട്ട്. പിതാവ്: ഉമറുല്‍ ഫാറൂഖ്. മാതാവ്: ഖൈറുന്നിസ.
തിരുവനന്തപുരം: സാമൂഹിക വിരുദ്ധര്‍ക്കെതിരെയുളള പോലീസ് നടപടിയില്‍ സംസ്ഥാനത്ത് ഇതുവരെ പിടിയിലായത് 14,014 ഗുണ്ടകള്‍. ഗുണ്ടാനിയമപ്രകാരം 224 പേര്‍ക്കെതിരെ കേസെടുത്തു. ഡിസംബര്‍ 18 മുതല്‍ ജനുവരി 16 വരെയുളള കണക്കാണിത്. ഇക്കാലയളവില്‍ പോലീസ് സംസ്ഥാനവ്യാപകമായി 19,376 സ്ഥലങ്ങളില്‍ റെയ്ഡ് നടത്തി. 6,305 മൊബൈല്‍ ഫോണുകള്‍ പരിശോധനക്കായി പിടിച്ചെടുത്തു. ജാമ്യവ്യവസ്ഥകള്‍ ലംഘിച്ച 62 പേരുടെ ജാമ്യം റദ്ദാക്കാന്‍ നടപടി സ്വീകരിച്ചു. ഏറ്റവും കൂടുതല്‍ ഗുണ്ടകള്‍ അറസ്റ്റിലായത് തിരുവനന്തപുരം റൂറലിലാണ് – 1606 പേര്. ആലപ്പുഴയില്‍ 1337 പേരും കൊല്ലം സിറ്റിയില്‍ […]
തിരുവനന്തപുരം: സംസ്ഥാനത്തെ പ്രതിദിന കോവിഡ് കേസുകള്‍ 22,000 കഴിഞ്ഞിരിക്കുന്നതിനാല്‍ എല്ലാവരും അതീവ ജാഗ്രത പാലിക്കണമെന്ന് ആരോഗ്യമന്ത്രി വീണാ ജോര്‍ജ്. കോവിഡ് രണ്ടാം തരംഗത്തെ അതിജീവിച്ച് സംസ്ഥാനത്തെ കോവിഡ് കേസുകള്‍ ഡിസംബര്‍ 26ന് 1824 വരെ കുറഞ്ഞതാണ്. എന്നാല്‍ ക്രിസ്തുമസ്, ന്യൂ ഇയര്‍ കഴിഞ്ഞതോടെ വളരെ പെട്ടെന്ന് കോവിഡ് കേസുകള്‍ വര്‍ധിച്ചു. ജനുവരി ഏഴിന് കേവിഡ് കേസുകള്‍ 5,000ന് മുകളിലായിരുന്നു. അത് കേവലം 10 ദിവസം കൊണ്ട് നാലിരട്ടിയിലധികമായി വര്‍ധിച്ചു. ജനുവരി 12ന് 12,000ന് മുകളിലും ജനുവരി 17ന് […]
കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയതുമായി ബന്ധപ്പെട്ട കേസിൽ ദിലീപിന്റെ സുഹൃത്തിന്റെ വീട്ടിൽ ക്രൈംബ്രാഞ്ച് പരിശോധന. ഹോട്ടൽ വ്യവസായി ശരത്തിന്റെ ആലുവ തൊട്ടുമുഖത്തെ വീട്ടിലാണ് റെയ്ഡ് നടക്കുന്നത്. തോക്കും നടിയെ ആക്രമിച്ചതുമായി ബന്ധപ്പെട്ട ദൃശ്യങ്ങളും തേടിയാണ് റെയ്ഡ് നടത്തുന്നതെന്നാണ് റിപ്പോര്‍ട്ട്. ദിലീപുമായി വളരെ അടുത്ത ബന്ധമുള്ള വ്യക്തിയാണ് ശരത്. മുന്‍പ് ദിലീപ് അറസ്റ്റിലായപ്പോള്‍ ഒപ്പമുണ്ടായിരുന്നത് ശരത് ആണ്. ആലുവ സ്വദേശിയും ബിസിനസുകാരനുമായ ശരത്തും ദിലീപും തൃശ്ശൂരിലെ ഒരു ക്ഷേത്രത്തില്‍ പോയി മടങ്ങുമ്പോഴാണ് […]
തന്റെ പേരില്‍ മാറ്റം വരുത്തി നടി ലെന. പേരിന്റെ ഇംഗ്ലീഷ് സ്‌പെല്ലിങ്ങില്‍ ഒരു എ കൂടി ചേര്‍ത്താണ് ലെന പേര് പരിഷ്‌കരിച്ചിരിക്കുന്നത്. ഇന്‍സ്റ്റാഗ്രാമിലൂടെയാണ് താരം വിവരം അറിയിച്ചത്. ‘LENAA’ എന്നാണ് പുതിയ പേര്. ജൂത സംഖ്യാശാസ്ത്ര പ്രകാരമുള്ള ഉപദേശം സ്വീകരിച്ചാണ് സ്പെല്ലിങ് മാറ്റിയതെന്ന് ലെന പറഞ്ഞു. ‘എന്റെ പേരിന്റെ സ്പെല്ലിങ് Lenaa എന്നാക്കിയിരിക്കുന്നു. എനിക്ക് ഭാഗ്യം ആശംസിക്കൂ’- ലെന കുറിച്ചു.
കൊച്ചി: നടിയെ ആക്രമിച്ച കേസ് സംബന്ധിച്ച മാധ്യമ വാര്‍ത്തകള്‍ തടയണമെന്നാവശ്യപ്പെട്ട് ദിലീപ് ഹൈക്കോടതിയിൽ. കേസ് വിവരങ്ങൾ പ്രസിദ്ധീകരിക്കരുതെന്നു മാധ്യമങ്ങൾക്കു നിർദേശം നൽകണം എന്നാണ് ദിലീപിന്റെ ആവശ്യം. രഹസ്യ വിചാരണ എന്ന നിർദ്ദേശം ലംഘിക്കുന്നതാണ് മാധ്യമ വാർത്തകളെന്നും അത് തടയണമെന്നുമാണ് ദിലീപിന്റെ ഹർജി. രഹസ്യ വിചാരണ എന്ന കോടതി ഉത്തരവ് ലംഘിക്കുന്ന മാധ്യമങ്ങൾക്കെതിരെ കർശന നടപടി സ്വീകരിക്കണമെന്നും ദിലീപ് ഹർജിയിൽ ആവശ്യപ്പെടുന്നു. നേരത്തേ ദിലീപിന്റെ അഭിഭാഷകനാണ് കേസ് വിചാരണ അടച്ചിട്ട കോടതി മുറിയിൽ വേണമെന്ന ആവശ്യം ഉയർത്തിയത്.
മഡ്ഗാവ്: ഇന്ത്യന്‍ സൂപ്പര്‍ ലീഗില്‍ ഇന്ന് നടക്കേണ്ടിയിരുന്ന ഹൈദരാബാദ്-ജംഷെദ്പുര്‍ മത്സരം മാറ്റിവച്ചു. കൊവിഡ് വ്യാപനത്തിന്റെ പശ്ചാത്തലത്തില്‍ തുടര്‍ച്ചയായ മൂന്നാം മത്സരമാണ് ഐഎസ്എല്ലില്‍ നീട്ടിവയ്ക്കുന്നത്. കേരള ബ്ലാസ്‌റ്റേഴ്‌സ്-മുംബൈ എഫ്.സി മത്സരവും എടികെ മോഹന്‍ബഗാന്‍-ബെംഗളൂരു എഫ്.സി മത്സരവും എടികെ മോഹന്‍ബഗാന്‍-ഒഡിഷ എഫ്.സി മത്സരവും ഇതിനോടകം കൊവിഡ് മൂലം മാറ്റിവെച്ചിരുന്നു. മിക്ക ടീമുകളിലും കൊവിഡ് കേസുകള്‍ റിപ്പോര്‍ട്ട് ചെയ്തിട്ടുണ്ടെന്നാണ് സൂചന. ഈ സാഹചര്യത്തില്‍ ലീഗ് മാറ്റിവയ്ക്കാനാണ് സാധ്യത.
