മോഷണം പെ​ൺ​കു​ട്ടി​ക​ളെ വ​ല​യി​ലാ​ക്കാ​നും ആ​ഡം​ബ​രത്തി​നും; മീശ വിനീതിനെയും സുഹൃത്തിനെയും വീ​ട്ടി​ലെ​ത്തി​ച്ച് തെ​ളി​വെ​ടുപ്പ് നടത്തി

തിരുവനന്തപുരം: പെട്രോൾ പമ്പിൽ നിന്ന് രണ്ടര ലക്ഷം കവർന്ന കേസിൽ റി​മാ​ൻ​ഡി​ലാ​യി​രു​ന്ന റീൽസ് താരം മീശ വിനീതിനെയും സുഹൃത്തിനെയും വീ​ട്ടി​ലെ​ത്തി​ച്ച് തെ​ളി​വെ​ടുപ്പ് നടത്തി. പെ​ട്രോ​ൾ പ​മ്പ് മാ​നേ​ജ​ർ ബാ​ങ്കി​ല​ട​ക്കാ​ൻ കൊ​ണ്ടു​പോ​യ പ​ണമാണ് കവർന്നത്. ആ​ഡം​ബ​ര ജീ​വി​ത​ത്തി​നും പെ​ൺ​കു​ട്ടി​ക​ളെ വ​ല​യി​ലാ​ക്കാ​നു​മാ​ണ് മോ​ഷ​ണം നടത്തുന്നതെന്ന് വി​നീ​ത്​ പൊ​ലീ​സി​നോ​ട് പ​റ​ഞ്ഞു. ക​ഴി​ഞ്ഞ ദി​വ​സ​മാ​ണ് തെ​ളി​വെ​ടു​പ്പി​നാ​യി പൊ​ലീ​സ് റി​മാ​ൻ​ഡി​ലാ​യി​രു​ന്ന ഇ​രു​വ​രെ​യും ക​സ്റ്റ​ഡി​യി​ൽ വാ​ങ്ങി​യ​ത്. വി​നീ​തി​ന്‍റെ കീ​ഴ്പേ​രൂ​രി​ലെ വീ​ട്ടി​ലെ​ത്തിച്ചാണ് തെ​ളി​വെ​ടുപ്പ് നടത്തിയത്. കേ​സി​ലെ ഒ​ന്നാം പ്ര​തി കി​ളി​മാ​നൂ​ർ വെ​ള്ള​ല്ലൂ​ർ കീ​ഴ്പേ​രൂ​ർ ക്ഷേ​ത്ര​ത്തി​നു സ​മീ​പം കീ​ട്ടു​വാ​ര്യ​ത്ത് വീ​ട്ടി​ൽ മീശ വിനീത് എന്ന വി​നീ​ത് (26), ഇ​യാ​ളു​ടെ സു​ഹൃ​ത്ത് ചി​ന്ത്ര​ന​ല്ലൂ​ർ ചാ​വ​രു​കാ​വി​ൽ പു​തി​യ ത​ട​ത്തി​ൽ വീ​ട്ടി​ൽ എ​സ്. ജി​ത്തു എ​ന്നി​വ​രെ​യാ​ണ് പൊലീസ് കസ്റ്റഡിയിലെടുത്ത് തെ​ളി​വെ​ടുപ്പ് നടത്തിയത്.

പ്രതികൾ ക​വ​ർ​ന്ന പ​ണം ക​ണ്ടെ​ത്താ​നാ​യി​ല്ല. എന്നാൽ ഇ​യാ​ൾ പ​ല​ർ​ക്കാ​യി പ​ണം നൽകിയതായി രേ​ഖ​പ്പെ​ടു​ത്തി​യ ഡ​യ​റി പൊലീസ് ക​ണ്ടെ​ത്തി​. മോഷണത്തെ സംബന്ധിച്ച കൂ​ടു​ത​ൽ തെ​ളി​വു​ക​ൾ ശേ​ഖ​രി​ക്കേ​ണ്ട​തു​ണ്ടെ​ന്ന് മം​ഗ​ല​പു​രം എ​സ്എ​ച്ച്​ഒ സി​ജു കെ എ​ൽ പ​റ​ഞ്ഞു. മോഷണം നടന്ന ക​ണി​യാ​പു​രം എ​സ്ബിഐ ശാ​ഖ​ക്ക്​ സ​മീ​പ​വും പൊലീസ് തെ​ളി​വെ​ടു​പ്പു ന​ട​ത്തി​യി​രു​ന്നു. പ​ട്ടാ​പ്പ​ക​ൽ ഇ​രു​വ​രും ചേ​ർ​ന്ന് ര​ണ്ട​ര ല​ക്ഷം രൂ​പ​യാ​ണ് ക​വ​ർ​ന്നത്.

ഇയാളുടെ സുഹൃത്ത് ജി​ത്തു​വാ​ണ് പ​ണം ത​ട്ടി​യെ​ടു​ത്ത് ഓ​ടി​യ​തെ​ന്നും താ​ൻ ഇ​യാ​ളെ സ്കൂ​ട്ട​റിൽ ​ര​ക്ഷ​പ്പെ​ടു​ത്തു​ക മാ​ത്ര​മാ​ണ് ചെ​യ്തതെ​ന്നും വി​നീ​ത്​ സിഐ​യോ​ട് പ​റ​ഞ്ഞു. കവർച്ച നടത്തിയ പണത്തിൽ നിന്നും കു​റ​ച്ചു​പ​ണം ജി​ത്തു​വി​ന് ന​ൽ​കി​യിരുന്നു. തുടർന്ന് ​ബാ​ക്കി തു​ക​യു​പ​യോ​ഗി​ച്ച് വി​നീ​ത് ബു​ള്ള​റ്റ്​ വാ​ങ്ങു​ക​യും മൊ​ബൈ​ൽ ഫോ​ൺ ന​ന്നാ​ക്കു​ക​യും ക​ടം തീ​ർ​ക്കു​ക​യും ചെ​യ്ത​താ​യി അ​ന്വേ​ഷ​ണ​സം​ഘം ക​ണ്ടെ​ത്തി​. ഇ​ൻ​സ്റ്റ​ഗ്രാ​മി​ലും റീ​ൽ​സി​ലു​മ​ട​ക്കം സ​മൂ​ഹ​മാ​ധ്യ​മ​ങ്ങ​ളി​ൽ ഏ​റെ ആ​രാ​ധ​ക​രു​ള്ള വി​നീ​ത് ആ​ഡം​ബ​ര ജീ​വി​ത​ത്തി​നു​വേ​ണ്ടി​യും പെ​ൺ​കു​ട്ടി​ക​ളെ​യും വീ​ട്ട​മ്മ​മാ​രെ​യും വ​ല​യി​ലാ​ക്കാ​നും പ​ണ​ത്തി​നാ​യാ​ണ് മോ​ഷ​ണ​വും പി​ടി​ച്ചു​പ​റി​യു​മൊ​ക്കെ തൊ​ഴി​ലാ​ക്കി മാ​റ്റി​യ​തെ​ന്ന് പൊലീസ് പ​റ​ഞ്ഞു. ല​ഹ​രി സം​ഘ​ങ്ങ​ളുമാ​യും വി​നീ​തി​ന് ബ​ന്ധ​മു​ണ്ടെ​ന്ന വി​വ​ര​വും പൊ​ലീ​സി​ന് ല​ഭി​ച്ചി​ട്ടു​ണ്ട്. മോഷണത്തിന് ശേഷം തൃ​ശൂ​രി​ലേ​ക്ക് രക്ഷപ്പെടാൻ ഉപയോ​ഗിച്ച വാ​ട​ക കാ​ർ ക​സ്റ്റ​ഡി​യി​ലെ​ടു​ത്ത​താ​യും അ​ന്വേ​ഷ​ണ സം​ഘം പ​റ​ഞ്ഞു. തെ​ളി​വെ​ടു​പ്പി​നു ശേ​ഷം പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.