ത്രില്ലർ പോരാട്ടത്തിൽ പഞ്ചാബിനെ തകർത്ത് രാജസ്ഥാൻ; അഞ്ചാം സ്ഥാനത്ത്

ധ​രം​ശാ​ല: ഇ​ന്ത്യ​ൻ പ്രീ​മി​യ​ർ ലീ​ഗി​ലെ നി​ർ​ണാ​യ പോ​രാ​ട്ട​ത്തി​ൽ പ​ഞ്ചാ​ബ് കി​ങ്സി​നെ​തി​രേ രാ​ജ​സ്ഥാ​ൻ റോ​യ​ൽസി​ന് ജയം. പഞ്ചാബ് ഉയർത്തിയ 188 റ​ൺസ് വി​ജ​യ​ല​ക്ഷ്യം 6 വിക്കറ്റ് നഷ്‌ടത്തിൽ രാജസ്ഥാൻ മറികടന്നു. ജയത്തോടെ 14 പോയിൻറുമായി രാജസ്ഥാൻ മുംബൈ ഇന്ത്യൻസിനെ പിൻതള്ളി അഞ്ചാം സ്ഥാനത്തെത്തി.

ജയ്‌സ്വാൾ(36 പന്തിൽ 50), പടിക്കൽ(30 പന്തിൽ 51) എന്നിവരുടെ അർദ്ധ സെഞ്ചുറിയുടെ ബലത്തിലാണ് രാജസ്ഥാൻ ജയം സ്വന്തമാക്കിയത്. അവസാന ഓവർ വരെ നീണ്ട മത്സരത്തിൽ രണ്ടു പന്ത് ബാക്കി നിൽക്കെയാണ് രാജസ്ഥാൻ ലക്ഷ്യം മറികടന്നത്. ഷിമ്രോൺ ഹെറ്റ്മെയറുടെ(28 പന്തിൽ 46) മികച്ച പ്രകടനവും രാജസ്ഥാന് നിർണായകമായി. ജോസ് ബട്ട്ലർ പൂജ്യത്തിന് പുറത്തായി. നായകൻ സഞ്ജു സാംസൺ വീണ്ടും നിരാശനാക്കി.പഞ്ചാബിനായി റബാഡ 2 വിക്കറ്റ് വീഴ്ത്തി.

ടോ​സ് ന​ഷ്ട​പ്പെ​ട്ട് ബാ​റ്റി​ങ്ങി​നി​റ​ങ്ങി​യ പ​ഞ്ചാ​ബി​നെ ജി​തേ​ശ് ശ​ർമ (28 പ​ന്തി​ൽ 44), സാം ​ക​റ​ൻ (31 പ​ന്തി​ൽ 49), ഷാ​രൂ​ഖ് ഖാ​ൻ (23 പ​ന്തി​ൽ 41) എ​ന്നി​വ​രാ​ണ് മി​ക​ച്ച സ്‌​കോ​റി​ലേ​ക്ക് ന​യി​ച്ച​ത്. അ​ഞ്ച് വി​ക്ക​റ്റു​ക​ൾ പ​ഞ്ചാ​ബി​ന് ന​ഷ്ട​മാ​യി. ഇ​തി​ൽ മൂ​ന്നും വീ​ഴ്ത്തി​യ​ത് ന​വ്ദീ​പ് സൈ​നി​യാ​ണ്.

ര​ണ്ടാം പ​ന്തി​ൽ ത​ന്നെ പ്ര​ഭ്‌​സി​മ്രാ​ൻറെ (2) വി​ക്ക​റ്റ് പ​ഞ്ചാ​ബി​ന് ന​ഷ്ട​മാ​യി. ബോ​ൾട്ടി​ന് റി​ട്ടേ​ൺ ക്യാ​ച്ച് ന​ൽകി​യാ​ണ് പ്ര​ഭ്‌​സി​മ്രാ​ൻ മ​ട​ങ്ങു​ന്ന​ത്. പി​ന്നാ​ലെ ക്രീ​സി​ൽ ശി​ഖ​ർ ധ​വാ​നൊ​പ്പം ചേ​ർന്ന അ​ഥ​ർവ തൈ​ഡെ (19) ആ​ക്ര​മി​ച്ച് ക​ളി​ച്ചു. 36 റ​ൺസാ​ണ് ഇ​രു​വ​രും കൂ​ട്ടി​ചേ​ർത്ത​ത്. എ​ന്നാ​ൽ സൈ​നി​യെ പു​ൾ ചെ​യ്യാ​നു​ള്ള ശ്ര​മ​ത്തി​ൽ തൈ​ഡെ മ​ട​ങ്ങി. ആ​റാം ഓ​വ​റി​ൽ ധ​വാ​നും (17) പ​വ​ലി​യ​നി​ൽ തി​രി​ച്ചെ​ത്തി. സാം​പ​യു​ടെ പ​ന്തി​ൽ വി​ക്ക​റ്റി​ന് മു​ന്നി​ൽ കു​ടു​ങ്ങു​ക​യാ​യി​രു​ന്നു ധ​വാ​ൻ.

ലി​യാം ലി​വിം​ഗ്സ്റ്റ​ണി​നെ (9) സൈ​നി ബൗ​ൾഡാ​ക്കി​യ​തോ​ടെ നാ​ലി​ന് 50 എ​ന്ന നി​ല​യി​ലാ​യി പ​ഞ്ചാ​ബ്. എ​ന്നാ​ൽ ജി​തേ​ഷ്- ക​റ​ൻ സ​ഖ്യം ര​ക്ഷാ പ്ര​വ​ർത്ത​നം ആ​രം​ഭി​ച്ചു ഇ​രു​വ​രും 64 റ​ൺസ് കൂ​ട്ടി​ചേ​ർത്തു. എ​ന്നാ​ൽ ജി​തേ​ഷി​നേ​യും കു​ടു​ക്കി സൈ​നി കൂ​ട്ടു​കെ​ട്ട് പൊ​ളി​ച്ചു. അ​വ​സാ​ന ഓ​വ​റു​ക​ളി​ൽ ക​റ​ൻ- ഷാ​രൂ​ഖ് സ​ഖ്യം ക​ത്തി​ക്ക​യ​റി​യ​തോ​ടെ സ്‌​കോ​ർ 180 ക​ട​ന്നു. ഇ​രു​വ​രും 73 റ​ൺസ് കൂ​ട്ടി​ചേ​ർത്തു. അ​വ​സാ​ന ര​ണ്ട് ഓ​വ​റി​ൽ 46 റ​ൺസാ​ണ് സ്കോ​ർ​ബോ​ർ​ഡി​ൽ എ​ത്തി​യ​ത്.