13960 കോടിയുടെ ഒത്തുതീര്‍പ്പ് പാക്കേജ്; ജയില്‍വാസം ഒഴിവാക്കാന്‍ വിജയ് മല്യയുടെ അവസാന ശ്രമം

ന്യൂഡല്‍ഹി: ജയില്‍ശിക്ഷ ഒഴിവാക്കാന്‍ അവസാനവട്ട ശ്രമങ്ങളുമായി വിവാദ വ്യവസായി വിജയ് മല്യ. ഒത്തുതീര്‍പ്പ് പാക്കേജുമായാണ് ഇപ്പോള്‍ മല്യ രംഗത്തെത്തിയിരിക്കുന്നത്. ബാങ്കുകള്‍ക്ക് മുന്നില്‍ ഒത്തുതീര്‍പ്പ് പാക്കേജ് സമര്‍പ്പിച്ചിട്ടുണ്ടെന്ന് മല്യ കോടതിയെ അറിയിച്ചു.

വിവിധ ബാങ്കുകള്‍ക്ക് 9000 കോടി രൂപയാണ് മല്യ നല്‍കാനുള്ളത്. 13960 കോടി രൂപയുടെ ഒത്തുതീര്‍പ്പ് പാക്കേജുമായാണ് മല്യ കോടതിയെ സമീപിച്ചതെന്നാണ് സൂചന. അതേസമയം, അടുത്തുതന്നെ ബ്രിട്ടന്‍ മല്യയെ ഇന്ത്യയിലേക്ക് നാടു കടത്തുമെന്ന് റിപ്പോര്‍ട്ടുണ്ട്.