കൽപ്പറ്റ എംഎൽഎ ടി.സിദ്ദീഖിന്റെ സുരക്ഷ ചുമതലയുള്ള പോലീസുകാരന് സസ്പെൻഷൻ

വയനാട് :  കൽപ്പറ്റ എംഎൽഎയും കോൺ​ഗ്രസ് നേതാവുമായ ടി.സിദ്ധീഖിൻ്റെ സുരക്ഷാ ചുമതലയുള്ള ​ഗൺമാനെ സസ്പെൻഡ് ചെയ്തു. ഇന്നലെ കോൺ​ഗ്രസ് പ്രതിഷേധറാലിക്കിടെയുണ്ടായ സംഘ‍ർഷത്തിൽ പോലീസുകാരെ ആക്രമിച്ചു എന്ന് ആരോപിച്ചാണ് എംഎൽഎ ടി.സിദ്ധീഖിൻ്റെ ​ഗൺമാൻ സിബിനെ സസ്പെൻഡ് ചെയ്തത്.

എംഎൽഎ ടി.സിദ്ധീഖിൻ്റെ ​ സുരക്ഷാ ചുമതലയുള്ള പോലീസുകാരൻ ഇന്നലെ കൽപറ്റ ടൗണിൽ നടന്ന കോൺ​ഗ്രസ് റാലിക്കിടെ ക്രമസമാധാന ഡ്യൂട്ടിയിലുണ്ടായിരുന്ന പോലീസുകാരെ ആക്രമിച്ചെന്ന സ്പെഷ്യൽ ബ്രാഞ്ചിൻ്റെ കണ്ടെത്തലിൻ്റെ അടിസ്ഥാനത്തിൽ ആണ് വയനാട് ജില്ലാ പോലീസ് മേധാവിയുടെ നടപടി. സിബിൻ സംഘ‍ർഷത്തിനിടെ മറ്റു പോലീസുകാരെ ആക്രമിക്കുകയും യൂണിഫോം വലിച്ചു കീറുകയും ചെയ്തുവെന്നാണ് സ്പെഷ്യൽ ബ്രാഞ്ച് നൽകിയ റിപ്പോർട്ടിൽ പറയുന്നത്.