ഡോ: എ പി ജെ അബ്ദുൾ കലാം ഇന്റർനാഷണൽ ഫൗണ്ടേഷൻ 'ഹരിതോർജ്ജത്തോടുകൂടിയ നവീകരണവും ഉൽ‌പന്ന വികസനവും' വെബിനാർ സംഘടിപ്പിച്ചു

രാമേശ്വരം: ലോക പരിസ്ഥിതി ദിനത്തോടനുബന്ധിച്ച് മുൻ രാഷ്ട്രപതി ഡോ: എ പി ജെ അബ്ദുൾ കലാമിന്റെ പേരിൽ ഹൗസ് ഓഫ് കലാം, രാമേശ്വരം ആസ്ഥാനമായി പ്രവർത്തിക്കുന്ന എ പി ജെ അബ്ദുൾ കലാം ഇന്റർനാഷണൽ ഫൗണ്ടേഷൻ 'ഹരിതോർജ്ജത്തോടുകൂടിയ നവീകരണവും ഉൽ‌പന്ന വികസനവും' വെബിനാർ സംഘടിപ്പിച്ചു.

പ്രമുഖ വ്യക്തികൾക്കൊപ്പം കുവൈറ്റിൽ നിന്ന് ബാബു ഫ്രാൻസീസ് (ഇൻഡോ അറബ് കോൺഫഡറേഷൻ - കുവൈറ്റ് ചാപ്റ്റർ പ്രസിഡണ്ട്) ,ഡോ: സുരേന്ദ്ര നായക് (പ്രസിഡണ്ട് -ഇൻഡ്യൻ ഡോക്ടേഴ്സ് ഫോറം കുവൈറ്റ്), സുനിൽ സദാനന്ദൻ (അമേരിക്കൻ സൊസൈറ്റി ഓഫ് സേഫ്റ്റി പ്രൊഫഷണൽസ് - കുവൈറ്റ്‌ ചാപ്റ്റർ പ്രസിഡണ്ട് ), എന്നിവർ പങ്കെടുത്തു.

വെബിനാറിൽ എ പി ജെ എം.ജെ. ഷെയ്ക്ക് സലീം ( ഫൗണ്ടേഷൻ ട്രസ്റ്റി)സ്വാഗതവും, എ പി ജെ എം.ജെ. ഷെയ്ക്ക് ദാവൂദ് ( ഫൗണ്ടേഷൻ ട്രസ്റ്റി) പ്രാരംഭ സന്ദേശവും നൽകി.

പത്മശ്രീ പ്രൊഫ. ജുൻജുൻ വാല (ഐ.ഐ.ടി.മദ്രാസ് ), ബി.സി. ദത്ത (വൈസ് പ്രസിഡണ്ട് -ഹ്യുണ്ടായ് മോട്ടോസ് ഇൻഡ്യ ലിമിറ്റഡ്), പത്മശ്രീ പ്രൊഫസർ അനിൽ കെ.ഗുപ്ത (ഫാക്കൽറ്റി ഐ.ഐ.എം & സൃസ്ഥി സ്ഥാപകൻ), മഹേഷ് ബാബു (എം.ഡി.& സി.ഇ.ഒ.- മഹീന്ദ്ര ഇലക്ട്രിക്കൽ മൊബിലിറ്റി ) എന്നീ പ്രഭാഷകർക്കൊപ്പം ഡി. ഗോകുൽ ദേവേന്ദ്രൻ (ഐ.എസ് .ആർ .ഒ. ശാസ്ത്രജ്ഞൻ), ഡോ: എൽ ഗണേഷ് (ഡീൻ, എം.ജി ആർ ഇൻസ്റ്റിറ്റൂട്ട് & ചെയർമാൻ ഗ്രീൻസ്) ഡോ: ജെ ബാലമുരുകൻ എന്നിവർ പങ്കെടുത്തു വിഷയങ്ങൾ അവതരിപ്പിക്കുകയും, ചോദ്യങ്ങൾക്ക് മറുപടി പറയുകയും ചെയ്തു. ശശികുമാർ ഗന്ധാം (എം.ഡി. സാൽകോം ഇൻഡ്യ ) മോഡറേറ്ററായിരുന്നു.