സാധനങ്ങൾ വാങ്ങുന്നതിനും, ബില്ല് അടക്കുന്നതിനും ഇനി അക്കൗണ്ടിൽ പണമില്ലെങ്കിൽ ഈ കാര്‍ഡ് ഉപയോഗിക്കാം

സീറോ ബാലൻസ് അക്കൗണ്ട് ആണെങ്കിലും ഇനി പേടിക്കണ്ട, എസ്.ബി.ഐയുടെ പ്രീ അപ്രൂവ്ഡ് ക്രെഡിറ്റ് കാര്‍ഡി കാര്‍ഡ് ഉപയോഗിച്ച് സാധനങ്ങൾ വാങ്ങാം. വിവിധ ഓൺലൈൻ പര്‍ച്ചേസുകൾക്ക് പണം നൽകാം. ബിൽ പേയ്‌മെന്റുകളും, ആശുപത്രി ആവശ്യങ്ങൾക്കായുള്ള പെയ്മെൻറുകളും, മറ്റ് അടിസ്ഥാന ആവശ്യങ്ങൾക്കായുള്ള പണം ഇടപാടുകളുംഎല്ലാം ഈ കാർഡിലൂടെ നടത്താം.

സിംപ്ലി സേവ് എന്ന ഈ കാര്‍ഡ് എല്ലാ പെട്രോൾ പമ്പുകളിലും മറ്റ് കടകളിലും ഉപയോഗിക്കാനാകും. കൂടാതെ ഓരോ 10 റിവാര്‍ഡ് പോയിൻറുകൾക്കും 100 രൂപ ആനുകൂല്യവും ലഭിക്കും. ഓരോ പണം ചെലവഴിക്കലിനും നാല് റിവാര്‍ഡ് പോയിൻറുകൾ വീതമാണ് ലഭിക്കുക. കാര്‍ഡ് എടുത്ത് 60 ദിവസത്തിനുള്ളിൽ നടത്തുന്ന പെയ്മെൻറുകൾക്ക് 2000 ബോണസ് പോയിൻറുകൾ വരെ ലഭിക്കും. മറ്റ് ക്രെഡിറ്റ് കാര്‍ഡുകളെ അപേക്ഷിച്ച് ഇവയുടെ മെയിൻറനൻസ് ഫീസും കുറവാണ്.

എല്ലാ നൂറ് രൂപക്കും നടത്തുന്ന പണം ഇടപാടിനും ഒരു റിവാര്‍ഡ് പോയിൻറ് ലഭിക്കും. നേപ്പാളും ഭൂട്ടാനും ഒഴികെയുള്ള വിദേശ രാജ്യങ്ങളിലും കാര്‍ഡുകൾ ഉപയോഗിക്കാനാകും. ഒരു ദിവസം 12,000 രൂപ വരെ ഈ ക്രെഡിറ്റ് കാര്‍ഡ് ഉപയോഗിച്ച് പിൻവലിക്കാൻ സാധിക്കും. കാര്‍ഡ് ഉപയോഗിച്ച് നേടിയ ആനുകൂല്യങ്ങൾ റിവാര്‍ഡ് പോയിൻറുകൾ രണ്ടു വര്‍ഷത്തിനുള്ളിൽ പ്രയോജനപ്പെടുത്തണം. ഐഡി പ്രൂഫ്, അഡ്രസ് പ്രൂഫ്, ബാങ്ക് സ്റ്റേറ്റ്മൻറ് ഇവയെല്ലാം നൽകിയാണ് കാര്‍ഡിനായി അപേക്ഷിക്കണ്ടത്.